रेल्वेची माणुसकी! धावत्या रेल्वेतून पडलेल्या प्रवाशाच्या मदतीसाठी तब्बल १ किमी उलटी धावली ट्रेन

काय आहे घटना ? 

मिळालेल्या माहितीनुसार धावत्या तपोवन एक्सप्रेसच्या एका कोचमधून शनिवारी एक प्रवासी कोचमधून खाली पडला. ही घटना मनमाड रेल्वेस्थानका जवळ घडली. या खाली पडलेल्या  प्रवाशाचे नाव सरवर शेख  (वय ३०) असे आहे. तो मूळचा उत्तर प्रदेशचा आहे.  तपोवन एक्स्प्रेस गाडी मनमाड जंक्शनवर आल्यानंतर तो डब्यातून खाली कोसळला. विभागीय रेल्वे व्यवस्थापक इति पांडे यांनी या बाबत माहिती देतांना सांगितले की,  'रेल्वेच्या लोको पायलटने नियंत्रकाकडून परवानगी घेऊन जखमी प्रवाशाला उचलण्यासाठी गाडी तब्बल १ किमी उलट्या दिशेने पुन्हा आणली.  

एफआयआर दाखल करण्यासाठी आलेल्या महिलेशी डीवायएसपीचे ‘डर्टी टॉक’; बाथरूममध्ये नेत केलं अश्लील कृत्य, व्हिडिओ झाला व्हायरल

 शनिवारी सकाळी अकराच्या सुमारास हा प्रकार घडला. ही घटना घडल्यावर  एका प्रवाशाने आपत्कालीन साखळी खेचली होती. तिसऱ्या डब्यातून एक तरुण खाली पडल्याची माहिती रेल्वे गार्ड एस. एस. कदम यांना प्रवाशांकडून मिळाली. कदम यांनी लोको पायलट एम. एस. आलम यांच्याशी संपर्क साधला. त्यानंतर आलम यांनी नियंत्रकांशी संपर्क साधून परत जाण्याची परवानगी मागितली. 

भारतीय वंशाच्या टेक बॉसच्या पगाराचा आकडा सोशल मिडियावर व्हायरल! रोज ४८ कोटींची कमाई, वार्षिक कमाई ऐकून डोळे होईल पांढरे

त्यानंतर तपोवन एक्स्प्रेसच्या मागे येणारी मालगाडी एका स्थानकावर अगोदरच थांबविण्यात आली, जेणेकरून गाडीसाठी जागा उपलब्ध होऊ शकेल. रेल्वेत उपस्थित प्रवाशांच्या मदतीने शेखचा शोध घेण्यात आला आणि त्यानंतर गाडी मनमाड स्थानकात पोहोचली. तोपर्यंत रेल्वे प्रशासनाने शेख यांना रुग्णालयात नेण्यासाठी रुग्णवाहिकेची व्यवस्था केली होती. रुग्णालयात नेल्यानंतर गाडी नांदेडकडे रवाना झाली. दरम्यान, या प्रवाशावर उपचार सुरू करण्यात आले. मात्र, उपचार सुरू असतांना या प्रवाशाचा मृत्यू झाला. ज्या प्रवाशासाठी रेल्वेने एवढी धडपड केली, त्या प्रवाशाचा जीव वाचू न शकल्याने सर्वांनी हलहळ व्यक्त केली.