Rushiraj Sawant: दुबईनंतर ८ दिवसातच ६८ लाख खर्चून बँकॉकला कशासाठी निघालो? दोन मित्र कोण, ऋषीराज सावंतने सर्वच सांगितलं

 बिझनेस ट्रिपसाठी बँकॉकला -

ऋषिराज सावंतने सांगितले की, तो "बिझनेस ट्रिप" साठीच चालला होता. त्याच्यासोबत प्रवीण उपाध्याय आणि संदीप वासेकर असे त्याचे दोन मित्रही होते. ऋषीराज याने त्याच्या घरी बँकॉकबद्दल सांगितले आहे का, नाही याबद्दल दोन्ही मित्रांना काही कल्पना नसल्याचे समोर आले आहे. त्यातील एक मित्र हा सावंत यांच्या एका संस्थेत कार्यरत असल्याची माहिती आहे.

तानाजी सावंत यांच्या मुलाचा राजेशाही थाट! चार्टर्ड विमानासाठी मोजले तब्बल ६८ लाख

ऋषिराजच्या मोठ्या भावाने सांगितला संपूर्ण घटनाक्रम -

ऋषिराज यांचा भाऊ गिरीराज सावंत यांनी सांगितले की, सोमवारी जेव्हा माझा लहान भाऊ ऋषिराज याच्याशी संपर्क होत नसल्याने तो कुठे निघून गेला हे कळत नव्हतं. त्यानंतर वडील प्रचंड अस्वस्थ झाले होते. त्यामुळे आम्ही सिंहगड पोलीस ठाण्यात अपहरणाची तक्रार दाखल केली. तक्रार दाखल होताच नागरी उड्डाण राज्यमंत्री मुरलीधर मोहोळ यांच्या सूचनेनंतर मंत्रालयाकडून तातडीने सुत्रे हलली आणि ऋषिराज सावंत याचे चार्टर प्लेन चेन्नईतून माघारी फिरले. बंगालच्या उपसागरावर पोहचलेलं ऋषीराज सावंत यांच्या खासगी विमानाने हवेतूनच युटर्न घेतला. विमान जेव्हा लॅंड झालं तेव्हा ऋषिराज सावंत याला कळालं की, आपण बॅंकॉकला नाही तर पुन्हा पुण्यातच पोहचलो आहोत. 

Tanaji Sawant : तानाजी सावंतांच्या मुलासाठी बँकॉकला जाणारं विमान हवेतूनच माघारी फिरवलं, ऋषिराज सावंत पुण्याला परतले

गिरीराज सावंत  यांनी सांगितले, ८ दिवसाआधीच तो दुबईहून आला होता. दुबईला ८ दिवस राहून आल्यानंतर लगेच कामानिमित्त बँकॉकला जायचं होतं. पण घरचे बँकॉकला सोडणार नाहीत. त्यामुळे त्याने कोणालाही न सांगता केवळ एक मेसेज टाकून घरातून गायब झाला. ड्रायव्हरने सांगितले की, दोन लोकांनी त्याला जबरदस्तीने नेले आहे. एक कुटुंब म्हणून आम्ही घाबरलो आणि आम्ही पोलिसांत तक्रार दिली आणि पुढील प्रक्रिया घडली. ऋषीराजसोबत त्याचे दोन मित्रही होते. पण आम्हाला हे माहिती नव्हतं की त्याच्याबरोबर कोण आहे? त्यामुळे आम्ही अपहरणाची तक्रार दाखल केली.