Man Kills Daughter: स्वयंपाकाला उशीर झाल्यानं पोटच्या मुलीवर कुकरनं हल्ला, उपचारादरम्यान मृत्यू!

पोलिसांनी दिलेल्या माहितीनुसार, मुकेश परमार (वय, ४०) असे अटक करण्यात आलेल्या आरोपीचे नाव असून तो सुरत येथील रहिवासी आहे. तर, हेताली परमार (वय, १८) असे मृत तरुणीचे नाव आहे. घरातील अपूर्ण कामावरून मुकेश आणि हेताली यांच्यात वाद झाला. या वादातून मुकेशने हेतालीची हत्या केली. ही घटना गुरुवारी दुपारी दीड वाजताच्या सुमारास घडली.

मी तुझ्याशिवाय जिवंत राहू शकत नाही, प्रियकराच्या व्हॉट्सअ‍ॅपवर मेसेज पाठवून प्रेयसीने विहिरीत उडी मारून केली आत्महत्या

हेताली आपल्या कुटुंबासह सुरतमधील भरीमाता रोडवरील एसएमसी सुमन मंगल सोसायटीत वास्तव्यास होती. दरम्यान, घटनेच्या दिवशी मुकेश कामाला गेला नव्हता आणि तो घरातच होता. तर, हेताली हिची आई गीता आणि मोठी बहीण कामावर गेल्या होत्या. तिचे दोन्ही लहान भाऊ देखील घरी नव्हते. कामावर जाताना गीताने हेताली स्वयंपाक आणि घरातील कामे आवरून ठेवण्यास सांगितले. यावरून मुकेश आणि हेताली यांच्यात बाचाबाची झाली. यानंतर रागातून मुकेशने हेतालीच्या डोक्यात कुकरने हल्ला केला. या हल्ल्यात हेताली गंभीर जखमी झाली. तिला ताबडतोब स्मिमर रुग्णालयात दाखल करण्यात आले. मात्र, शुक्रवारी पहाटे उपचारादरम्यान तिचा मृत्यू झाला.

पोलिसांनी दिलेल्या माहितीनुसार, हेताली ही डायमंड युनिटमध्ये काम करत होती. मात्र, सुट्टीमुळे ती घरीच होती. तिची आई एका मॉलमध्ये काम करते. तर. तिची मोठी बहीण लॉजिस्टिक युनिटमध्ये काम करते. मुकेश भाड्याने ऑटोरिक्षा चालवायचा. मात्र आजारी असल्यामुळे तो गेल्या आठ दिवसांपासून घरीच होता. या घटनेनंतर पोलिसांनी त्याला अटक केली असून पुढील चौकशीला सुरुवात केली आहे. या घटनेने परिसरात एकच खळबळ माजली आहे.