मराठी बातम्या  /  महाराष्ट्र  /  Solapur Suicide case : सोलापूर हादरले! दोन मुलांसह आईने संपवलं जीवन; सरवदे नगरातील धक्कादायक घटना

Solapur Suicide case : सोलापूर हादरले! दोन मुलांसह आईने संपवलं जीवन; सरवदे नगरातील धक्कादायक घटना

Ninad Vijayrao Deshmukh HT Marathi
Mar 04, 2024 05:10 AM IST

Solapur Suicide case : सोलापूरच्या (Solapur News) सरवदे नगर येथे धक्कादायक घटना उघडकीस आली आहे. आईने आपल्या दोन मुलांसह आत्महत्या केली.

दोन मुलांसह आईने संपवलं जीवन; सोलापूरच्या सरवदे नगरातील धक्कादायक घटना
दोन मुलांसह आईने संपवलं जीवन; सोलापूरच्या सरवदे नगरातील धक्कादायक घटना (HT)

Solapur Suicide case : सोलापूर येथील सरवदे नगर येथे एक धक्कादायक घटना उघडकीस आली आहे. येथील मुळेगाव रोड येथील सरवदे नगरामध्ये एका आईने आपल्या दोन मुलांसह गळफास घेऊन आत्महत्या केली. ही घटना रविवारी दुपारी १२ च्या सुमारास घडली.

Pune hadapsar Fire : हडपसरमध्ये ११ मजली सोसायटीतील फ्लॅटला भीषण आग; संसाराची झाली राख रांगोळी

स्नेहा संतोष चिल्लाळ (वय ३०) असे आईचे नाव आहे. तर, संध्या संतोष चिल्लाळ (वय ११), मनोजकुमार संतोष चिल्लाळ (वय ७, सर्व रा. प्लॉट नं. ५, सरवदे नगर, जुना विडी घरकूल, सोलापूर) अशी मृत दोन मुलांची नावे आहेत. ही घटना आजू बाजूच्या नागरिकांना कळल्यावर त्यांनी पोलिसांना माहिती दिली.

lalu Yadav on Modi: पंतप्रधान मोदी हिंदू नाहीत, तर नितीश..; INDIAच्या रॅलीत १५ लाख लोकांसमोर लालूंची जोरदार फटकेबाजी

पोलिसांनी घटनास्थळी येत सर्वांना शासकीय रुग्णालयात दाखल केले. डॉक्टरांनी त्यांची तपासणी करुन त्यांना मृत घोषित केले. दरम्यान या महिलेने हे टोकाचे पाऊल का उचलले या बाबत अद्याप कळू शकले नाही. महिलेचे पती संतोष सरवदे यांनी पत्नीसह मुलांना मृत अवस्थेत पाहून टाहो फोडला. त्यांचा आवाज ऐकून आजूचाजूचे नागरिक जमले. यानंतर त्यांनी एमआयडीसी पोलीस ठाण्यात याची माहिती दिली.

पोलीस हवालदार एस. एन. गायकवाड घटनास्थळी पोहोचले. त्यांनी तिघांनाही लोकांच्या मदतीने खाली उतरवण्यात आले. आधी लेकरांना नंतर स्वतः गळफास घेऊन स्नेहा सरवदे यांनी टोकाचे पाऊल का उचलले याबद्दल परिसरात तर्कवितर्क लढवले जात आहेत.

IPL_Entry_Point

विभाग