पुढील बातमी

class="fa fa-bell">ठळक बातम्या:

'महा' चक्रीवादळामुळे मच्छिमारांना समुद्रात न जाण्याच्या सूचना

महा चक्रीवादळ

अरबी समुद्रात महा नावाचे चक्रीवादळ निर्माण झाल्याने उद्‌भवणाऱ्या नैसर्गिक आपत्तीला तोंड देण्यासाठी प्रशासकीय यंत्रणेच्या तयारीचा आढावा केंद्रीय मंत्रिमंडळ सचिव राजीव गौबा यांनी सोमवारी व्हिडिओ कॉन्फरन्सिंगद्वारे घेतला. महाराष्ट्र, गुजरात, दमण-दिव राज्याच्या मुख्य सचिवांशी कॅबिनेट सचिवांनी संवाद साधला.

मंत्रालयाबाहेर शेतकरी संघटनेचे आंदोलन; राजू शेट्टी पोलिसांच्या ताब्यात

अरबी समुद्रामध्ये हे चक्रीवादळ आले असून, राज्यात विशेषत: ठाणे आणि पालघर जिल्ह्याला अधिक सतर्क राहण्याच्या सूचना यावेळी देण्यात आल्या. पुढील तीन दिवस (८ नोव्हेंबरपर्यंत) मच्छिमारांनी मासेमारीसाठी समुद्रात जाऊ नये, जे मच्छिमार समुद्रात गेले आहेत त्यांनी तातडीने परत यावे. परतताना जवळच्या बंदरांवर आसरा घ्यावा, असे आवाहन राज्याचे मुख्य सचिव अजोय महेता यांनी केले आहे.

चक्रीवादळामुळे पालघर, ठाणे तसेच मध्य महाराष्ट्रात पावसाचा अंदाज व्यक्त करण्यात आला आहे. त्यामुळे जिल्हा प्रशासनाला सतर्क राहण्याच्या सूचना देण्यात आल्या आहेत, असे मुख्य सचिवांनी सांगितले.

अमित शहांच्या भेटीनंतर फडणवीस म्हणाले, लवकरच नवे सरकार येईल पण...

नैसर्गिक आपत्तीत मदतीसाठी राष्ट्रीय आपत्ती निवारण दलाच्या तुकड्या पुणे येथे तैनात असून आवश्यकता भासल्यास त्यांची मदत घेतली जाईल. खबरदारीचा उपाय म्हणून समुद्र किनाऱ्यालगतच्या जिल्ह्यांना अधिक सतर्क राहण्याच्या सूचना देण्यात आल्या आहेत, असेही यावेळी सांगण्यात आले.