SET Exam : सेट परीक्षेची तारीख जाहीर ! यंदा देखील पारंपरिक पद्धतीनेच होणार परीक्षा
SET Exam : विद्यापीठे व महाविद्यालयातील सहायक प्राध्यापक पदाच्या पात्रतेसाठी घेण्यात येणाऱ्या राज्य पात्रता परीक्षा म्हणजेच सेटची परीक्षेची तारीख जाहीर करण्यात आली आहे.
SET Exam : पुणे विद्यापीठा मार्फत घेण्यात येणारी विद्यापीठे आणि महाविद्यालयातील सहायक प्राध्यापक पदासाठीची पात्रता परीक्षा (सेट) ची तारीख घोषित करण्यात आली आहे. ही परीक्षा पुढील वर्षी ४ मे २०२५ रोजी होणार आहे. या परीक्षेच्या पद्धतीत कोणत्याही बदल करण्यात आलेला नाही. ही परीक्षा पारंपरिक म्हणजेच ऑफलाइन पद्धतीने घेतली जाणार असल्याचं स्पष्ट झालं आहे.
विद्यापीठाचे प्रभारी कुलसचिव डॉ. ज्योती भाकरे यांनी या बाबतची माहिती परिपत्रकाद्वारे दिली आहे. सावित्रीबाई फुले पुणे विद्यापीठाच्या सेट विभागातर्फे महाराष्ट्र व गोवा राज्यातील विद्यार्थ्यांसाठी विद्यापीठामार्फत सेट परीक्षा आयोजित केली जाते. विद्यापीठ अनुदान आयोगाच्या राष्ट्रीय पात्रता परीक्षेच्या (युजीसी नेट) धर्तीवर सेट परीक्षा ही ऑनलाइन पद्धतीने घेण्याचे नियोजन करण्यात येणार असल्याची माहिती या पूर्वी विद्यापीठाने दिली होती. त्यामुळे ही परीक्षा आता ऑनलाइन पद्धतीने होणार अशी माहिती होती. मात्र, ही परीक्षा पारंपरिक पद्धतीने म्हणजेच ऑफलाइन पद्धतीने घेतली जाणार आहे.
विद्यापीठ अनुदान आयोगाच्या सूचनेप्रमाणे आतापर्यंत घेण्यात आलेल्या ३९ सेट परीक्षांप्रमाणेच ४०वी सेट परीक्षा ही ओएमआर पद्धतीचे घेतली जाणार आहे. सेट परीक्षेसंदर्भातील सविस्तर वेळापत्रक अभ्यासक्रम व इतर अनुषंगिक माहिती वेळोवेळी विद्यापीठाच्या संकेतस्थळावर प्रसिद्ध केली जाणार आहे. परीक्षेची तारीख जाहीर करण्यात आल्यामुळे परीक्षार्थ्यांना अभ्यासाचे नियोजन करता येणार आहे.
संबंधित बातम्या