SSC Hall Ticket 2025 : दहावीच्या विद्यार्थ्यांना दोन दिवसांत मिळणार हॉल तिकीट; बोर्डानं केली तारीख जाहीर
मराठी बातम्या  /  महाराष्ट्र  /  SSC Hall Ticket 2025 : दहावीच्या विद्यार्थ्यांना दोन दिवसांत मिळणार हॉल तिकीट; बोर्डानं केली तारीख जाहीर

SSC Hall Ticket 2025 : दहावीच्या विद्यार्थ्यांना दोन दिवसांत मिळणार हॉल तिकीट; बोर्डानं केली तारीख जाहीर

Jan 18, 2025 10:18 AM IST

SSC Hall Ticket 2025 : पुढील महिन्यात दहावी व बारावीच्या परीक्षा होत आहे. या परीक्षांचे प्रवेशपत्र ऑनलाइन पद्धतीनं पुढील दोन दिवसांत जारी केले जाणार आहे.

दहावीच्या विद्यार्थ्यांना दोन दिवसांत मिळणार हॉल तिकीट; SSC बोर्डाने केली तारीख जाहीर
दहावीच्या विद्यार्थ्यांना दोन दिवसांत मिळणार हॉल तिकीट; SSC बोर्डाने केली तारीख जाहीर

SSC Hall Ticket 2025 : फेब्रुवारी आणि मार्च महिन्यात १० आणि १२ वीच्या परीक्षा होणार आहेत. या परीक्षांचे हॉलतिकिट कधी मिळणार या बाबत पालक व विद्यार्थ्यांना प्रतीक्षा होती. अखेर ही प्रतीक्षा संपली आहे. पुढील दोन दिवसांत मुलांना हॉलतिकिट मिळणार आहे. दहावी बोर्ड परीक्षेचे हॉल तिकीट येत्या सोमवारपासून म्हणजेच २०  फेब्रुवारीला ऑनलाइन दिली जाणार आहे.

महाराष्ट्र राज्य माध्यमिक व उच्च माध्यमिक शिक्षण मंडळातर्फे फेब्रुवारी-मार्चमध्ये घेतल्या जाणाऱ्या दहावीच्या परीक्षेचं हॉल तिकीट सोमवारपासून उपलब्ध होणार आहे. शाळेला हे हॉल तिकीट प्रिंट करून विद्यार्थ्यांना द्यावे लागणार आहे. यासाठी कोणत्याही प्रकारचं शुल्क लागणार नाही असे राज्य शिक्षण मंडळानं स्पष्ट केलं आहे.

राज्य मंडळातर्फे दहावीची लेखी परीक्षा २१ फेब्रुवारी ते १७ मार्च दरम्यान, होणार आहे. या परीक्षेसाठी www.mahahsscboard.in या संकेतस्थळावर ऑनलाइन पद्धतीनं विद्यार्थ्यांचं हॉल तिकीट उपलब्ध करून दिले जाणार आहे. या संदर्भात काही तांत्रिक अडचण उद्भवल्यास माध्यमिक शाळांनी विभागीय मंडळाकडे संपर्क साधनेच्या सूचना करण्यात आल्या आहेत.

प्रवेशपत्र ऑनलाईन प्रिंटींग करून त्यावर मुख्याध्यापक यांचा शिक्का उमटवून स्वाक्षरी करून ते मुलांना द्यावे लागणार आहे. ज्या आवेदनपत्रांना पेड असे स्टेटस आहे त्यांचीच प्रवेशपत्रे पेड स्टेटस अॅडमिट कार्ड या पर्यायाव्दारे उपलब्ध होणार आहे. उशिरा आवेदनपत्रे भरलेल्या व एक्स्ट्रा सीट नंबर विभागीय मंडळामार्फत दिलेल्या विद्यार्थ्यांची प्रवेशपत्रे ही एक्स्ट्रा सीट नंबर अॅडमिट कार्ड या या पर्यायाद्वारे उपलब्ध करून दिले जाणार आहेत. ज्या मुलांचे प्रवेश पत्र गहाळ झाले तर त्या माध्यमिक शाळांनी प्रवेश पत्राची पुन्हा प्रिंट काढून त्यावर लाल शाईने डुप्लीकेट प्रवेश पत्र असा शेरा देऊन ते विद्यार्थ्याना द्यावे लागणार आहे.

बारावीची परीक्षा ११ फेब्रुवारीपासून

बारावीची परीक्षा ही ११ फेब्रुवारी पासून सुरू होणार आहे. या परीक्षेचे ऑनलाईन प्रवेशपत्र उपलब्ध करून देण्यात आली असून ती १० जानेवारीपासून मुलांना देण्यात येत अही. बारावीची प्रवेशपत्रं www.mahahsscboard.in या संकेतस्थळावर अ‍ॅडमिट कार्ड या लिंकवरुन डाऊनलोड करता येणार आहे.

Whats_app_banner

संबंधित बातम्या

विभाग
महाराष्ट्रातील बातम्या, प्रत्येक घडामोडीची ब्रेकिंग न्यूज मिळवा हिंदुस्तान टाइम्स मराठीवर