मराठी बातम्या  /  महाराष्ट्र  /  Pimpri chinchwad news : पिंपरी-चिंचवड एमआयडीसीत कंपनीच्या कँटिनमध्ये समोस्यात आढळला गुटखा अन् निरोध; पाच जणांना अटक

Pimpri chinchwad news : पिंपरी-चिंचवड एमआयडीसीत कंपनीच्या कँटिनमध्ये समोस्यात आढळला गुटखा अन् निरोध; पाच जणांना अटक

Ninad Vijayrao Deshmukh HT Marathi
Apr 08, 2024 05:58 PM IST

nirodh, gutkha found in samosa : पुण्यात पिंपरी-चिंचवड येथे एका कँटिनमध्ये समोस्यात गुटखा आणि निरोध सापडल्याने खळबळ उडाली आहे. खाद्यपदार्थ पुरविण्याचं कंत्राट मिळावं म्हणून या वस्तू मिसळण्यात आल्याचं बोललं जात आहे.

पिंपरी-चिंचवड एमआयडिसी परिसरातील कँटिनमध्ये समोस्यात आढळला गुटखा अन् निरोध; पाच जणांना अटक
पिंपरी-चिंचवड एमआयडिसी परिसरातील कँटिनमध्ये समोस्यात आढळला गुटखा अन् निरोध; पाच जणांना अटक (Pixabay)

nirodha gutkha found in samosa in Pune Pimpri-Chinchwad : पुण्यात पिंपरी-चिंचवड परिसरात एक धक्कादायक घटना उघडकीस आली आहे. एमआयडिसी परिसरातील एका मोठ्या कंपनीच्या कॅन्टीनमध्ये समोस्यात निरोध आणि गुटखा आढळल्याने खळबळ उडाली आहे. व्यावसायिक स्पर्धेच्या इर्षेतुन ही घटना घडल्याचे पुढे आले असून या प्रकरणी पाच जणांविरोधात गुन्हा दाखल करण्यात आला आहे. तर  एकला अटक करण्यात आली आहे. ही घटना चिखली येथे २७ मार्च रोजी घडली होती. रविवारी या प्रकरणी गुन्हा दाखल करण्यात आला.

ट्रेंडिंग न्यूज

Lonavla Crime : लोणावळा येथे आलिशान बंगल्यात सुरू होता नृत्यांगनांचा अश्लील डान्स; पोलिसांनी धाड टाकली आणि…

फिरोज शेख उर्फ मंटू असे अटक केलेल्या आरोपीचे नाव आहे. तर रहीम शेख, अझर शेख, मझर शेख (रा. मोरवाडी), विकी शेख यांच्या विरोधात गुन्हा दाखल करण्यात आला आहे. कॅटॅलीस्ट सर्व्हिस सोल्युशन्स पार्टनर्स प्रा. लि. कंपनीचे सहायक महाव्यवस्थापक कीर्तिकुमार शंकरराव देसाई यांनी याप्रकरणी चिखली पोलिस ठाण्यात फिर्याद दिली आहे.

Sanjay Dutt : अभिनेता संजय दत्त लोकसभा निवडणूक लढवणार असल्याची चर्चा; यावर खुद्द संजय दत्त म्हणाला…

  या घटनेचे वृत्त असे की, चिखली पोलिस ठाण्याच्या हद्दीतील एका कंपनीत कॅन्टीनमध्ये खाद्य पदार्थ पुरविण्याचा करार देसाई यांच्या कंपनीसोबत झाला आहे. दरम्यान, देसाई यांची कंपनी पूर्वी मोरवाडी येथे असणाऱ्या मे. एसआरएस एंटरप्रायझेस या उप कंपनीकडून सामोसा घेत होते. याचा करार देखील करण्यात आला होता. मात्र एसआरएस एंटरप्रायझेसने कंपनीला दिलेल्या सामोस्यात प्रथमोपचार पट्टी आढळली होती. त्यामुळे देसाई यांच्या कॅटॅलीस्ट सर्व्हिस सोल्युशन्स पार्टनर्स प्रा. लि. कंपनीने हा करार रद्द करत कंपनीकडून समोसा घेणे बंद केले होते.

MNS BJP Alliance : मनसेशी युतीबाबत देवेंद्र फडणवीस यांचं मोठं विधान; म्हणाले, मला विश्वास आहे की…

   दरम्यान, देसाई यांच्या कॅटॅलीस्ट सर्व्हिस सोल्युशन्स पार्टनर्स कंपनीने सामोसा पुरविण्यासाठी दुसरी कंपनी मे. मनोहर एंटरप्रायझेस सोबत करार केला. मात्र, ही बाब 'एसआरएस एंटरप्रायझेस'ला पटली नाही. त्यामुळे देसाई यांच्या कॅटॅलीस्ट सर्व्हिस सोल्युशन्स पार्टनर्स प्रा. लि. या कंपनीची प्रतिष्ठा खराब व्हावी व त्यांचे  अन्न पदार्थ पुरवण्याचे कंत्राट रद्द व्हावे या हेतूने  'एसआरएस एंटरप्रायझेस'चे मालक रहीम शेख, अझर शेख व मझर शेख यांनी त्यांचे कामगार फिरोज,  विकी यांना मनोहर एंटरप्रायझेस येथील कारखान्यात कामासाठी पाठवले.

आरोपी रहीम, अझर व मझर यांच्या  सांगण्यानुसार  फिरोज व विकी यांनी समोसा तयार करतांना काहीत निरोध तर काहीत दगड, व विमल पान मसाला तंबाखूजन्य गुटखा पदार्थ टाकले. हा प्रकार उघडकीस आल्यानंतर खळबळ उडाली. या प्रकरणी कॅटॅलीस्ट सर्व्हिस सोल्युशन्स पार्टनर्स प्रा. लि. कंपनीचे देसाई यांनी पोलिसांकडे या प्रकरणी तक्रार दिली. पोलिसांनी या प्रकरणी गुन्हा दाखल करून तपास सुरू केला.  पोलिसांनी  फिरोज याला या प्रकरणी अटक केली असून  यानंतर हा प्रकार उघडकीस आला. पोलिसांनी या घटनेची माहिती अन्न प्रशासनाला माहिती दिली असून समोस्यात दगड, निरोध, गुटखा टाकून कामगरांच्या जीवाशी खेळ केल्याने गुन्हा दाखल करण्यात आला आहे.

IPL_Entry_Point

विभाग