Sanjay Gaikwad Thrashes Youth: पोलिसांसमोरच तरुणाला बेदम मारहाण; संजय गायकवाड यांचा व्हिडिओ व्हायरल

मिळालेल्या माहितीनुसार, व्हायरल व्हिडिओ बुलडाणा येथील शिवजयंती मिरवणुकीचा (१९ फेब्रुवारी २०२४) आहे. गायकवाड यांनी पोलिसांना एका तरुणावर लाठीचार्ज करण्याचे आदेश दिले. त्यानंतर स्वत: संजय गायकवाड यांनी पोलिसांच्या हातातून दंडुका घेत तरुणावर प्राणघातक हल्ला केला. हा व्हिडिओ सोशल मीडियावर व्हायरल झाल्यानंतर सगळीकडे संतापाची लाट उसळली. याप्रकरणी पोलीस ठाण्यात अद्याप कोणतीही तक्रार दाखल झाली नाही. तक्रार प्राप्त झाल्यानंतरनंतर गुन्हा दाखल करून चौकशीला सुरुवात केली जाईल, असे पोलिसांकडून स्पष्ट करण्यात आले.

शिवसेना आमदार संजय गायकवाड यांच्यावर गुन्हा दाखल; काय आहे प्रकरण?

यापूर्वी, संजय गायकवाड यांनी त्यांच्या गळ्यात असलेला दात वाघाचा आहे, असा दावा केला होता. एवढेच नव्हेतर, या वाघाची त्यांनी स्वत: शिकार केली, असेही सांगितले होते, ज्याचा व्हिडिओ सोशल मीडियावर प्रचंड व्हायरल झाला होता. व्हायरल व्हिडिओमध्ये संजय गायकवाड यांनी शिवरायांच्या मावळ्याचा पेहराव केल्याचे दिसत आहे. यावेळी संजय गायकवाड यांना त्यांच्या गळ्यातील एका लॉकेटबाबत विचारले असता ते म्हणाले की, तो वाघाचा दात आहे. त्यांनी ३७ वर्षांपूर्वी एका वाघाची शिकार करून त्याचा दात गळ्यात घातल्याचे व्हिडिओमध्ये बोलताना दिसत आहेत.