मराठी बातम्या  /  महाराष्ट्र  /  Sharad Pawar: शरद पवारांनी पंतप्रधान मोदींचे मानले आभार, जाणून घ्या त्यामागचे कारण

Sharad Pawar: शरद पवारांनी पंतप्रधान मोदींचे मानले आभार, जाणून घ्या त्यामागचे कारण

Jun 15, 2024 06:22 PM IST

Sharad Pawar Thanks PM Modi: महाविकास आघाडीचे नेते शरद पवार, उद्धव ठाकरे आणि पृथ्वीराज चव्हाण यांनी मुंबईत संयुक्त पत्रकार परिषद घेतली.

नुकतीच महाविकास आघाडीची नुकतीच पत्रकार परिषद पार पडली.
नुकतीच महाविकास आघाडीची नुकतीच पत्रकार परिषद पार पडली. (File)

MVA Press Conference Today: महाविकास आघाडीचे नेते शरद पवार, उद्धव ठाकरे आणि पृथ्वीराज चव्हाण यांनी शनिवारी मुंबईत संयुक्त पत्रकार परिषद घेऊन लोकसभा निवडणूक २०२४ मध्ये राज्यात महाविकास आघाडीला पाठिंबा दिल्याबद्दल जनतेचे आभार मानले. या पत्रकार परिषदेत शरद पवार यांनी पंतप्रधान नरेंद्र मोदी यांचे आभार मानले. नरेंद्र मोदींनी लोकसभा निवडणुकीत जिथे जिथे रोड शो आणि सभा घेतल्या, त्या ठिकाणी महाविकास आघाडीने विजय मिळवला, असा शरद पवार यांनी भाजपला चिमटा काढला.

'पंतप्रधानांचा रोड शो आणि रॅली जिथे झाली, तिथे आम्ही जिंकलो. म्हणूनच पंतप्रधानांचे आभार मानणे मी माझे कर्तव्य समजतो. महाविकास आघाडीसाठी राजकीय वातावरण अनुकूल केल्याबद्दल आम्ही पंतप्रधान नरेंद्र मोदी यांचे आभार मानतो, असे शरद पवार यांनी पत्रकार परिषदेत सांगितले.

ट्रेंडिंग न्यूज

जून २०२२ मध्ये शिवसेना आणि राष्ट्रवादी कॉंग्रेस यांच्यात दोन गट पडल्यानंतर पहिल्यांदाच सार्वत्रिक निवडणुकीत भारतीय जनता पक्ष आणि राष्ट्रीय लोकशाही आघाडीला सर्वात मोठा धक्का बसला. ज्या तीन राज्यांमध्ये एनडीएला पराभव स्वीकारावा लागला, त्यात महाराष्ट्राचा समावेश होता. २०१९ च्या लोकसभा निवडणुकीत भाजपला महाराष्ट्रात मिळालेल्या २३ जागांपैकी केवळ ९ जागा जिंकता आल्या.

निवडणूक आयोगाच्या आकडेवारीनुसार मोदींनी ज्या जागांवर प्रचार केला, त्यातील बहुतांश जागांवर एनडीएला विजय मिळवता आला नाही. महाराष्ट्रातील तब्बल १८ लोकसभा मतदारसंघात मोदींनी अनेक जाहीर सभा आणि रोड शो केला. यापैकी १५ जागांवर एनडीएला विजय मिळवता आला नाही, असे इंडिया टुडेने म्हटले आहे.

राष्ट्रवादी काँग्रेसचे अध्यक्ष शरदचंद्र पवार यांनी पुतण्या अजित पवार यांना पुन्हा पक्षात घेण्याची शक्यता फेटाळून लावली आहे. शिवसेना पक्षप्रमुख उद्धव ठाकरे यांनी महाराष्ट्र विधानसभा निवडणूक महाविकास आघाडी एकत्र लढवणार असल्याचे जाहीर केले.

उद्धव ठाकरेंची मोंदीवर टीका

नुकत्याच पार पडलेल्या निवडणुकीत योगदान दिल्याबद्दल उद्धव ठाकरे यांनी सिटिझन ग्रुप आणि अनेक युट्यूब चॅनल्सचे आभार मानले. 'मोदींनी कोणती कथा वापरली? मंगळसूत्र कथेचे काय? हे बरोबर होते का?, असा सवाल उद्धव ठाकरे यांनी निवडणुकीत महाविकास आघाडीने सत्ताधारी पक्षाविरोधात खोट्या शब्दांचा वापर केल्याच्या भाजपच्या आरोपाला उत्तर देताना केला. जे मला सोडून गेले त्यांना पुन्हा पक्षात घेतले जाणार नाही, असेही ठाकरे म्हणाले.

पृथ्वीराज चव्हाण काय म्हणाले?

काँग्रेसचे ज्येष्ठ नेते पृथ्वीराज चव्हाण म्हणाले की, युतीत कोणताही लहान-मोठा भाऊ नाही. प्रत्येक विधानसभा जागेचा विचार करून जागावाटपाचा निर्णय घेऊ. आमची प्राथमिक चर्चा आधीच झाली आहे, असे ते म्हणाले.

 

WhatsApp channel
विभाग