बाबा आढाव यांच्या आत्मक्लेश आंदोलनाला शरद पवारांचा पाठिंबा; आंदोलनस्थळी जाऊन भेट घेत म्हणाले....

शरद पवार यांनी उपोषणस्थळी जात आधी महात्मा फुले आणि सावित्रीबाई फुले स्मारकाला अभिवादन केलं. यांनतर त्यांनी बाबा आढाव यांच्याशी चर्चा केली. शरद पवार म्हणाले, बाबा हे आत्मक्लेश उपोषणाच्या माध्यमातून व्यक्त होत आहेत. बाबांनी एकट्याने ही भूमिका घेणं योग्य नाही. लोकांनी पण उठाव केला पाहिजे.नाही तर देशातील लोकशाही धोक्यात येईल. देशाचे सूत्र ज्यांच्या हातात आहेत त्यांना त्याच्याशी काही घेणे देणे नाही. आज विरोधकांना बोलून दिलं जात नाही. दोन्ही सभागृहाचे विरोधी पक्ष आमचे म्हणणे मांडायला आम्हाला संमती द्या अशी मागणी करत असून त्यांची मागणी ल एकदाही मंजूर झालेली नाही. त्यामुळे आज लोकांना लोकांना जागृत करावं लागेल. ते जागरूक आहेत त्यांनी उठाव केला पाहिजे. सत्तेचा गैरवापर केला जात आहे. संपूर्ण राज्याच्या आणि देशाच्या निवडणुकीमध्ये मोठ्या प्रमाणावर पैसा आणि सत्तेचा गैरवापर महाराष्ट्रात बघायला मिळाला. त्यामुळे अस्वस्थता वाढली आहे.

बाबा आढाव यांनी घेतलेल्या निर्णयसारखे पाऊल सर्वांनी उचलणे गरजेचे आहे. त्यांच्या या उपोषणामुळे सामान्य लोकांना दिलासा मिळाला आहे. पण त्यांनी एकट्यानेच ही भूमिका घेणे हे योग्य नाही त्यांना जनतेची साथ हवी आहे,असं शरद पवार म्हणाले.

अधिवेशनात विरोधकांना बोलू दिलं जात नाही

राज्यात आणि देशात सुरू असलेल्या प्रकाराबाबत संसदेमध्ये विरोधी पक्षांना बोलू दिलं जातं नाही. सध्या सुरू असलेल्या अधिवेशनामध्ये सभागृहात आमचं म्हणणं मांडायला संमती द्या, अशी मागणी विरोधक करत आहेत. त्यामुळे आता लोकांना जागृत करावे लागेल असे पवार म्हणाले.

उद्धव ठाकरे आज घेणार बाबा आढाव यांची भेट

बाबा आढाव यांच्या आत्मक्लेश आंदोलनाला उद्धव ठाकरे यांनी पाठिंबा दिला आहे आज दुपारी पुण्यात ते बाबा आढाव यांची भेट घेणार आहेत. महात्मा फुले वाडा येथे डॉ. बाबा आढाव आत्मक्लेश आंदोलन करत आहेत .