Markatwadi: मारकडवाडीचा वणवा भडकणार? शरद पवार अन् राहुल गांधी देणार गावाला भेट, लाँग मार्चही काढणार

शरद पवार यांनी उद्या (रविवार) मारकडवाडीत जाणार असल्याची घोषणा केलीय. ग्रामास्थानी ईव्हीएमऐवजी बॅलेट पेपरवर मतदान करुन पाहिलं तर बिघडलं कुठे,ग्रामस्थांवर बंदी घालण्याचं कारण काय?असा प्रश्न त्यांनी उपस्थित केला. राष्ट्रवादी शरद पवार गटाचे नवनिर्वाचित आमदार उत्तमराव जानकर यांनी ईव्हीएमविरोधात भूमिका घेतली आहे. त्याबाबत शरद पवार मारकडवाडीतील ग्रामस्थांना भेटूनत्यांच्याशी संवाद साधणार आहेत. उद्या सकाळी साडे दहा वाजता शरद पवार माळशिरस विधानसभा मतदारसंघातील मारकडवाडी गावाचा दौरा करणार आहेत.

‘राज ठाकरे भाजपच्या हातातील खेळणं; फडणवीस पत्ते पिसत बसले असतील तर...' संजय राऊतांचा टोला

शरद पवार म्हणाले, स्थानिक स्वराज्य संस्थाच्या निवडणुकीला आम्ही एकत्र सामोरे जाणार आहोत. मी १४ निवडणुका लढलो कधी पराभव पाहिला नाही. आज लोक अस्वस्थ आहेत. महायुतीच्या विजयानंतरही लोकांमध्ये उत्साह का दिसत नाही? असा प्रश्नही त्यांनी उपस्थित केला. विधानसभेची निवडणूक प्रक्रिया संपली आहे. मारकडवाडी येथे बंदी घालण्याचं कारण काय?त्या गावातील लोकांना पहायचं होतं की मतं कुणाला किती पडली. त्यामुळे आम्ही त्यागावातील लोकांचं काय म्हणणं आहे, हे समजून घेणार आहोत. आम्ही एकत्रपणे येणाऱ्या सर्व निवडणुकीला सामोरं जाणार आहोत.

गृहमंत्रीपद भाजपकडंच असायला हवं; मुख्यमंत्री देवेंद्र फडणवीस यांनी सांगितलं त्यामागचं कारण

५८लाख मतं त्यांच्या ४१जागा अन् ७२ लाख मतं असूनही आम्हाला १० जागा -

शरद पवारांनी कोल्हापुरात पत्रकार परिषद घेऊन विधानसभा निकालाची चिरफाड केली. शरद पवार गटाला विधानसभा निवडणुकीत ७२ लाख मतं मिळाली, मात्र आमचे केवळ १० आमदार निवडून आले. अजित पवारांना ५८लाख मतं आहेत, त्यांचे ४१ उमेदवार निवडून आले आहेत. ८०लाख मत मिळालेल्या पक्षाचे १६ तर ७९ लाख मतं मिळालेल्या पक्षाचे५७आमदार निवडून येतात. असं कॅलक्यूलेशन आहे, आम्ही याच्या खोलात गेलेलो नाही. जोपर्यंत आमच्याकडे आधार नाही, तोपर्यंत याच्यावर भाष्य करणं योग्य नाही. मात्र, मतांचे आकडे आश्चर्यकारक आहेत,असं शरद पवार म्हणाले.