Pune Accident: डंपरने मुलीला चिरडले; पुण्यातील लोहगाव रस्त्यावरील घटना
Pune accident : पुण्यात लोहगाव येथे सायकल वरून जाणाऱ्या मुलीला डंपरने धकड दिल्याने तिचा जागीच मृत्यू झाला.
पुणे : पुण्यात एका भरधाव जाणाऱ्या डंपरने सायकल वरून क्लासला जाणाऱ्या एका मुलीला जोरदार धडक दिली. या घटनेत मुलगी डंपरच्या चाकाखाली आल्याने तिचा चिरडून मृत्यू झाला. ही घटना लाेहगावात पठारे वस्तीतील एम जी ब्रिलिएंट शाळेजवळ घडली. घटनेनंतर डंपर चालक फरार झाला आहे.
रोशनी बाबा अंगरखे (वय १६, रा. शौर्या पार्क, पठारे वस्ती, लोहगाव) असे मृत्यू पावलेल्या मुलीचे नाव आहे. याप्रकरणी तिचे वडील बाबा पंढरीनाथ अंगरखे (वय ५०) यांनी विमानतळ पोलीस ठाण्यात फिर्याद दिली आहे. त्यानुसार पोलिसांनी डंपर चालकाविरुद्ध गुन्हा दाखल केला आहे.
पोलोसांनी दिलेल्या माहितीनुसार, रोशनी अंगरखे ही मंगळवारी दुपारी साडेतीन वाजता सायकलवरून क्लासला जात होती. ती पठारे वस्तीतील एम जी ब्रिलिएंट शाळेजवळ आली असता एका भरधाव डंपरने तिला जोरदार धडक दिली. यामुळे ती खाली पडून डंपरच्या चाकाखाली आली. यामुळे तिचा जागीच मृत्यू झाला. अपघातानंतर डंपर चालक घटनास्थळी न थांबता पळून गेला. विमानतळ पोलीस त्याचा शोध घेत आहेत.
या परिसरात झालेला हा दुसरा अपघात आहे. येथे वाहनांची नेहमी वर्दळ असते. असे असतानाही अवजड वाहने वेगाची मर्यादा न पाळता वाहने सुसाट पळवत असतात. यामुळे या मार्गावरील अपघात हे वाढले आहेत. या मार्गावरील बेशिस्त वाहन चालकांवर कारवाई करण्यात यावी अशी मागणी नागरिकांनी केली आहे. तसेच वाहनांच्या वेगावर नियंत्रण आणण्यासाठी या ठिकाणी गतिरोधक बसवण्यात यावे अशी मागणीही करण्यात आली आहे.
संबंधित बातम्या
विभाग