Sanjay Raut: उद्धव ठाकरेंना राम मंदिर उद्घाटनाचे निमंत्रण, तरीही संजय राऊत का भडकले? वाचा

'तुम्ही सेलिब्रिटी आणि सिनेकलाकारांना खास आमंत्रण देत आहात. त्यांचा रामजन्मभूमीशी काहीही संबंध नव्हता, पण तुम्ही ठाकरे कुटुंबाला अशी वागणूक देत आहात का? रामजन्मभूमी आंदोलनात ठाकरे यांनी महत्त्वाची भूमिका बजावली होती. प्रभू राम तुम्हाला माफ करणार नाहीत आणि शाप देतील. तुम्ही प्रभू रामाची प्रार्थना करत आहात आणि रावणाप्रमाणे सरकार चालवत आहात,' असा टोला संजय राऊत यांनी लगावला आहे.

राम मंदिरात जाण्यासाठी आमंत्रणाची गरज नाही, असे उद्धव ठाकरे यांनी यापूर्वी म्हटले होते. त्याऐवजी पंतप्रधान मोदींच्या जागी राष्ट्रपती द्रौपदी मुर्मू यांच्या हस्ते अभिषेक सोहळा पार पाडण्यात यावा, अशी मागणी त्यांनी केली. राम मंदिर हे माझे वडील बाळासाहेब ठाकरे यांचे स्वप्न होते. दिर उघडले जाईल हा आनंदाचा क्षण आहे, परंतु भाजपने हा कार्यक्रम कसा काबीज केला, असे उद्धव ठाकरे म्हणाले. २२ जानेवारीला पंतप्रधान नरेंद्र मोदी राम मंदिराचे उद्घाटन करणार आहेत. त्याचवेळी उद्धव ठाकरे नाशिकच्या काळाराम मंदिरात पूजा करणार आहेत.

Amazon: अयोध्यातील राम मंदिराच्या नावाखाली मिठाईची विक्री, अ‍ॅमेझॉनला नोटीस

काँग्रेस, माकप, तृणमूल, समाजवादी पक्षाचे नेते या कार्यक्रमाला अनुपस्थित राहणार असल्याने मोठा वाद निर्माण झाला. मंदिर उघडल्यानंतर ते आपल्या संपूर्ण कुटुंबासह राम मंदिराला भेट देतील, असे अखिलेश यांनी सांगितले. आम आदमी पक्षाचे सर्वेसर्वा अरविंद केजरीवाल यांनी सांगितले की, उद्घाटनाच्या कार्यक्रमानंतर ते आपल्या कुटुंबियांसमवेत मंदिरात जातील. निमंत्रितांच्या यादीत चित्रपट कलाकार, खेळाडू, पुजारी, न्यायाधीश, उद्योगपती आणि राजकारणी अशा किमान आठ हजार लोकांचा समावेश आहे.