Sangli bus accident : वटवाघळामुळे ट्रॅव्हल्सचा अपघात, बस झाडावर आदळून चालकासह काही प्रवासी जखमी

या अपघातात सुदैवाने कोणताही जिवीत हानी झाली नाही. मात्र चालकासह काही प्रवासी जखमी झाले आहेत.मिळालेल्या माहितीनुसारअशोका ट्रॅव्हल्स कंपनीची आराम बस (एमएच ०९ जीजे ५४५४) ही रात्रीच्या सुमारास मिरजेकडून सांगलीमार्गे मुंबईकडे निघाली होती. विश्रामबागजवळ सांगलीकडे येताना कर्मवीर चौकाजवळ जिल्हा बँकेजवळ चालकाच्या केबिनमध्ये वटवाघूळ घुसले. वटवाघूळ चालकाच्या हाताला चिटकल्यामुळे चालकाने हात झटकला. या प्रयत्नात चालकाचा स्टेअरिंगवरील ताबा सुटला व बस रस्त्याच्या उजव्या बाजूला असलेल्या उतारावरून खाली येत सार्वजनिक बागेच्या कुंपणावर आदळली.

Nashik Accident : नाशिकमध्ये भीषण अपघात; पुलाचा कठडा तोडून कार थेट गोदावरी नदीत कोसळली

बागेच्या कठड्याला आणि लोखंडी जाळीला घासत बस पुढे निघून गेली व समोर असलेल्या गुलमोहोराच्या झाडाला जोराने धडकली. झाडाला धडकून बस जागीच थांबली. या धडकेत झाड तुटून पडले आहे. तसेच बसच्या समोरील काचा फुटल्या आहेत. बसच्या समोरच्या बाजुचे मोठे नुकसान झाले आहे.

मनमाड - मुंबई पंचवटी एक्सप्रेसचा कासारा घाटात अपघात! इंजिनचे कपलिंग तुटल्याने बोगी गेली पुढे; एक तास वाहतूक ठप्प

बसमधील प्रवाशांचा आरडाओरडा ऐकून रस्त्यावरील वाहनधारक आणि सर्व्हीस रस्त्याशेजारी राहणारे नागरिक घटनास्थळी धावले. स्थानिकांनी आतील प्रवाशांना सुखरूप बाहेर काढले. बसमधील एक-दोन प्रवासी जखमी झाले आहेत. तर काहींना किरकोळ जखमा झाल्या आहेत. अपघाताची माहिती मिळताच सुखरूप असलेल्या प्रवाशांना त्याच कंपनीच्या अन्य बसेसमधून मुंबईकडे रवाना केले. तर चालकासह जखमी प्रवाशांवर खासगी हॉस्पिटलमध्ये उपचार करण्यात आले.

अपघातानंतर घटनास्थळी बघ्यांची गर्दी जमली होती. विश्रामबाग पोलिसांनी तत्काळ घटनास्थळी धाव घेतली. मध्यरात्रीनंतर झाडाच्या फांद्या तोडून बस बाहेर रस्त्यावर आणली गेली. अपघात प्रकरणी विश्रामबाग पोलिस ठाण्यात कच्ची नोंद करण्यात आली आहे. मार्केट यार्ड ते कर्मवीर चौकापर्यंतरस्ता अरुंद असल्याने अनेक छोटे मोठे अपघात होत असतात.