Samruddhi Mahamarg Accident: समृद्धी महामार्गावर भीषण अपघात, कार रेलिंवर धडकल्यानं दोघांचा मृत्यू
Samruddhi Mahamarg Accident: समृद्धी महामार्गावर काल मध्यरात्री कारला अपघात झाल्याने दोन जणांचा मृत्यू झाला आहे.
Samruddhi Mahamarg Car Accident: समृद्धी महामार्गावर अपघाताचं सत्र सुरुच आहे. समृद्धी महामार्गावर मागील काही महिन्यापासून अपघाताच्या बऱ्याच घटना घडल्या असून अनेकांना आपला जीव गमवावा लागला आहे. यातच रविवारी मध्यरात्री कार रेलिंवर धडकल्याने दोन जणांचा जागीच मृत्यू झाला आहे. तर, एकजण जखमी झाला आहे. बुलडाण्यातील देऊळगाव कोळ या गावाजवळ कारला अपघात झाला. या घटनेने परिसरात एकच खळबळ माजली आहे.
समृद्धी महामार्गावर कारला अपघात होऊन ती महामार्गाच्या रेलिंवर धडकली. ही धडक इतकी भीषण होती की धडकेनंतर कारला आग लागली. अपघातानंतर कारने पेट घेतला आणि या आगीत कार जळून खाक झाली. यात कारमधील दोन जणांचा होरपळून मृत्यू झाला आहे. तर, एकजण जखमी झाला आहे. जखमीवर जवळच्या रुग्णालयात उपचार सुरु आहेत. अपघातग्रस्त कार नागपूरहून शिर्डीच्या दिशेने जात होती. मात्र, बुलढाण्यातील देऊळगाव कोळ गावाजवळ कारला अपघात झाल्याची माहिती समोर आली आहे.
या घटनेची माहिती मिळताच स्थानिक पोलिसांनी घटनास्थळी धाव घेऊन पंचनामा केला. हा अपघात इतका भीषण होता की, कार अक्षरशः जळून खाक झाली. यामुळे मृतांची ओळख पटलेली नसून पोलीस अधिक तपास करीत आहेत.
विभाग