Sambhaji Nagar: संभाजीनगरात बिस्किटे खाल्ल्यानं २५१ विद्यार्थ्यांना विषबाधा, रुग्णालयात दाखल
Sambhaji Nagar Students Nagar Food Poisoning: ही घटना शनिवारी सकाळी घडली असून विद्यार्थ्यांना त्यांच्या नियमित पोषण आहार, खिचडीऐवजी बिस्किटे देण्यात आली.
Sambhaji Nagar Food Poisoning News: छत्रपती संभाजीनगर येथील जिल्हा परिषदेच्या शाळेतील २५१ विद्यार्थ्यांना पोषण आहार कार्यक्रमातील बिस्किटे खाल्ल्याने रुग्णालयात दाखल करण्यात आले आहे. ही घटना शनिवारी सकाळी घडली आहे. विद्यार्थ्यांना त्यांच्या नियमित पोषण आहार, खिचडीऐवजी बिस्किटे देण्यात आली होती, अशी माहिती समोर येत आहे.
पैठण तालुक्यातील केकत जळगाव येथील शाळेत इयत्ता पहिली ते सातवीपर्यंतचे सर्व विद्यार्थी ६ ते १४ वयोगटातील आहेत. बिस्किटे खाल्ल्यानंतर ४५ मिनिटांच्या आत बहुतेक विद्यार्थ्यांना मळमळ, उलट्या, ताप पोटदुखीचा त्रास जाणवू लागला. रविवारी आणखी आठ विद्यार्थ्यांना अन्नातून विषबाधा झाल्याने ग्रामीण रुग्णालयात दाखल करण्यात आले होते. आतापर्यंत २५१ विद्यार्थ्यांना रुग्णालयात दाखल करण्यात आले असून त्यापैकी १८१ रुग्णांना घरी सोडण्यात आल्याची माहिती अधिकाऱ्यांनी दिली. पाचोद येथील ग्रामीण रुग्णालयातील वरिष्ठ डॉक्टरांनी नाव न सांगण्याच्या अटीवर सांगितले की, १८१ विद्यार्थ्यांपैकी ६० रुग्णांमध्ये फूड पॉयझनिंग आणि डिहायड्रेशनची गंभीर लक्षणे आढळून आल्याची माहिती दिली.
पाचोड येथील ग्रामीण रुग्णालयाचे वैद्यकीय अधीक्षक डॉ. संदीपान काळे यांनी सांगितले की, ‘गंभीर लक्षणे असलेल्या सात विद्यार्थ्यांना छत्रपती संभाजीनगर येथील सामान्य रुग्णालयात पाठविण्यात आले आहे. त्यांची तब्येत पाहता त्यांना मोठ्या रुग्णालयात दाखल करण्याची गरज होती.' सध्या ग्रामीण रुग्णालयात आठ विद्यार्थी दाखल आहेत. जळगाव गावात फिल्ड हॉस्पिटल उभारले असून अन्न विषबाधेची लक्षणे आढळल्यास लहान मुले व प्रौढांची तपासणी सुरू केली आहे.
खाद्यपदार्थांच्या गुणवत्तेबद्दल प्रश्नचिन्ह
शनिवारी सायंकाळपर्यंत बहुतांश विद्यार्थ्यांची तब्येत सुधारली आणि त्यांना घरी सोडण्यात आले, मात्र या घटनेमुळे त्यांना वितरित करण्यात आलेल्या बिस्किटांच्या गुणवत्तेबाबत चिंता निर्माण झाली आहे. ही बिस्किटे शाळेच्या अधिकाऱ्यांनी स्थानिक पातळीवर खरेदी केली होती. सुदैवाने, वेळीच वैद्यकीय उपचार मिळाल्याने सर्व विद्यार्थी बरे झाले आहेत. मात्र, या घटनेमुळे विद्यार्थ्यांना मध्यान्ह भोजन कार्यक्रमांतर्गत देण्यात येणाऱ्या खाद्यपदार्थांच्या गुणवत्ता नियंत्रण आणि सुरक्षिततेबाबत गंभीर प्रश्न निर्माण झाले आहेत.
बिस्किटे शिळी किंवा दूषित असल्याचा दावा
ही बिस्किटे शिळी किंवा दूषित असावीत, ज्यामुळे विषबाधा झाली असावी, असा अधिकाऱ्यांचा संशय आहे. या बिस्किटांची मुदत संपली की खराब झाली, हे तपासण्यासाठी त्यांचे नमुने तपासणीसाठी प्रयोगशाळेत पाठविण्यात आले आहेत. अन्न व औषध प्रशासनाने बिस्किटांचे नमुनेही घेतले आहेत. स्थानिक पोलिस आणि आरोग्य विभागही या प्रकरणाचा तपास करत असून प्रयोगशाळेच्या अहवालाच्या आधारे पुढील कारवाई केली जाईल, अशी माहिती डॉ. काळे यांनी दिली.