Viral Video : मुलगी आणि बायकोसाठी रोहित शर्मा बनला ड्रायव्हर, चाहत्यांना पाहून ठोकली धूम, पाहा व्हिडिओ
मराठी बातम्या  /  क्रिकेट  /  Viral Video : मुलगी आणि बायकोसाठी रोहित शर्मा बनला ड्रायव्हर, चाहत्यांना पाहून ठोकली धूम, पाहा व्हिडिओ

Viral Video : मुलगी आणि बायकोसाठी रोहित शर्मा बनला ड्रायव्हर, चाहत्यांना पाहून ठोकली धूम, पाहा व्हिडिओ

Jul 25, 2024 06:10 PM IST

Rohit Sharma Spotted at Mumbai Airport: रोहित शर्माचा मुंबई विमानतळावरील व्हिडिओ सोशल मीडियावर व्हायरल झाला आहे.

रोहित शर्माचा मुंबई विमानतळावरील व्हिडिओ व्हायरल
रोहित शर्माचा मुंबई विमानतळावरील व्हिडिओ व्हायरल

Rohit Sharma Mumbai Airport Video: २०२४ च्या टी-२० विश्वचषकावर नाव कोरल्यानंतर भारताचा एकदिवसीय आणि कसोटी संघाचा कर्णधार रोहित शर्मा सध्या कुटुंबासोबत वेळ घालवत आहे. टी-२० विश्वचषक जिंकल्यानंतर रोहित शर्माने टी-२० क्रिकेटमधून निवृत्ती घेतली. रोहित शर्मा श्रीलंकाविरुद्ध होणाऱ्या एकदिवसीय मालिकेतून मैदानात पुनरागमन करणार आहे. भारत आणि श्रीलंका यांच्यातील तीन सामन्यांच्या एकदिवसीय मालिकेला येत्या २ ऑगस्टपासून सुरुवात होईल. यापूर्वी रोहित शर्माचा मुंबईतील विमानतळावरील व्हिडिओ व्हायरल झाला. या व्हिडिओत रोहित शर्मा पत्नी रितिका सजदेह आणि मुलगी समायरासाठी स्वत: कार चालवताना दिसत आहे.

व्हिडिओत दिसत आहे की, रोहितची लॅम्बोर्गिनी कार विमानतळावर त्याची वाट पाहत होती. रोहितलाही सर्व बाजूंनी चाहत्यांनी घेरले. कसा तरी स्वतःला सावरल्यानंतर रोहित त्याच्या कारच्या ड्रायव्हिंग सीटवर बसला आणि पत्नी आणि मुलीसह निघून गेला.

भारत आणि श्रीलंका यांच्यातील टी-२० मालिकेनंतर ३ सामन्यांची एकदिवसीय क्रिकेट मालिका खेळवली जाणार आहे. या मालिकेत टीम इंडियाची कमान रोहित शर्माच्या हाती असेल. या मालिकेत रोहित शर्माला इतिहास रचण्याची संधी असेल.

  • आंतरराष्ट्रीय क्रिकेटमध्ये सर्वाधिक षटकार मारणारा कर्णधार बनण्यापासून ३ षटकार दूर.
  • ९ षटकार मारताच एकदिवसीय क्रिकेटमध्ये सर्वाधिक षटकार मारणाऱ्या जगातील दुसरा फलंदाज बनेल.
  • एकदिवसीय कारकिर्दीत १००० चौकारांचा पल्ला गाठण्यापासून ६ चौकार दूर.
  • श्रीलंकेविरुद्ध एकदिवसीय क्रिकेटमध्ये सर्वाधिक धावा करणारा जगातील पाचवा फलंदाज बनण्यासाठी ३३४ धावांची गरज.

पाकिस्तानमध्ये होणाऱ्या चॅम्पियन्स ट्रॉफीपूर्वी भारतीय संघ केवळ सहा एकदिवसीय सामने खेळणार आहे. भारतीय संघाने वेगवान गोलंदाज जसप्रीत बुमराह आणि अनुभवी अष्टपैलू रवींद्र जडेजा यांना एकदिवसीय मालिकेसाठी विश्रांती दिली आहे. अष्टपैलू रियान पराग आणि अनकॅप्ड वेगवान गोलंदाज हर्षित राणा यांचा भारतीय एकदिवसीय संघात समावेश करण्यात आला. आयपीएलच्या गेल्या हंगामात या दोन्ही खेळाडूंनी दमदार करून दाखवली. श्रीलंकेविरुद्धच्या मालिकेतही त्यांच्याकडून अशीच कामगिरीची अपेक्षा आहे.

श्रीलंकेविरुद्धचा एकदिवसीय मालिकेसाठी भारतीय संघ:

रोहित शर्मा (कर्णधार), शुभमन गिल (उपकर्णधार), विराट कोहली, लोकेश राहुल (यष्टीरक्षक), ऋषभ पंत (यष्टीरक्षक), श्रेयस अय्यर, शिवम दुबे, कुलदीप यादव, मो. सिराज, वॉशिंग्टन सुंदर, अर्शदीप सिंग, रियान पराग, अक्षर पटेल, खलील अहमद, हर्षित राणा.

Whats_app_banner

संबंधित बातम्या