Ladki bahin yojana : लाडक्या बहिणींना ऑक्टोबरचा हफ्ता दिला तर कर्मचाऱ्यांच्या पगारासाठीही पैसे राहणार नाहीत - राज ठाकरे

विधानसभेच्या पार्श्वभूमीवर निवडणूक आयोग अलर्ट, खोट्या बातम्या पसरवणाऱ्यांविरोधात कारवाईचे निर्देश

विधानसभा निवडणुकीच्या तोंडावर महायुती सरकारने महिलांसाठी मुख्यमंत्री माझी लाडकी बहीण योजना आणली. आतापर्यंत या योजनेअंतर्गत महिलांच्या खात्यात दोन हप्त्यांचे ३००० रुपये जमा झाले आहेत. आता तिसऱ्या हप्त्याचे १५०० रुपये जमा होण्यास सुरुवात झाली आहे. या महिन्यात काही महिलांच्या खात्यात तीन महिन्याचे ४,५०० रुपये जमा झाले आहेत. दरम्यान या योजनेवरून राज ठाकरे यांनी मोठं भाकित केलं आहे.

शरद पवारांच्या गळाला आणखी एक पुतण्या, आमदार 'काका'विरुद्धच विधानसभेला ‘तुतारी’ फुकणार

राज ठाकरे म्हणाले की, निवडणुकीत फायद्यासाठी योजना आणली असेल तर ते चुकीचं आहे. कोणताही समाज फुकट काही मागत नाही. महिलांसाठी रोजगार उपलब्ध करण्यासाठी उद्योगधंदे उभारले पाहिजेत. सत्ताधाऱ्यांच्या स्वार्थासाठी योजना असेल तर परिणाम वाईट होतो. राज्य खड्ड्यात घातलं जात असेल तर ते चुकीचं आहे. लाडकी बहीण योजनेचा ऑक्टोबरचा हफ्ता दिल्यानंतर जानेवारीत सरकारच्या तिजोरीत ठणठणात होणार असून सरकारी कर्मचाऱ्यांना पगार देण्यासाठीही पैसे शिल्लक राहणार नाहीत, असं भाकित राज ठाकरे यांनी केलं आहे. 

सैफ अली खानने केलं राहुल गांधींचे कौतुक! म्हणाला, ‘राहुल गांधी प्रामाणिक आणि धाडसी राजकारणी’

महाराष्ट्रात लाडकी बहीण योजना चांगलीच चर्चेत असून राज्यातील महिलांचा या योजनेला उत्सफूर्त प्रतिसाद मिळत आहे. या योजनेच्या अंतर्गत पात्र महिलांना महिन्याचे १५०० रुपये दिले जातात. मात्र या योजनेवरुन विरोधकांनी सातत्याने सरकारवर टीका केली आहे. सरकारकडून मतांसाठी ही लाच दिली जाते आहे अशी टीका संजय राऊत यांनी केली आहे. तसंच उद्धव ठाकरे, शरद पवार, प्रणिती शिंदे, नाना पटोले यांनीही आत्तापर्यंत अनेकदा या लाडकी बहीण योजनेवरुन महायुतीवर टीका केली आहे. आता राज ठाकरे यांनीही या योजनेवर अप्रत्यक्ष टीका केली आहे.