मराठी बातम्या  /  महाराष्ट्र  /  Raj Thackeray Speech Live : मशिदींवरील भोंग्यावरून पुन्हा राजकारण तापणार?, राज ठाकरेंचे स्पष्ट संकेत

Raj Thackeray Speech Live : मशिदींवरील भोंग्यावरून पुन्हा राजकारण तापणार?, राज ठाकरेंचे स्पष्ट संकेत

Mar 09, 2023 08:43 PM IST

Raj Thackeray Speech On MNS Foundation day Live : महाराष्ट्र नवनिर्माण सेनेच्या वर्धापन दिनानिमित्त राज ठाकरेंच्या जाहीर सभेला सुरुवात झाली आहे.

Raj Thackeray Speech On MNS Foundation day Live
Raj Thackeray Speech On MNS Foundation day Live (HT)

Raj Thackeray Live Speech In Thane City : महाराष्ट्र नवनिर्माण सेनेच्या वर्धापन दिनानिमित्त राज ठाकरे यांची ठाण्यातील जाहीर सभेला सुरुवात झाली आहे. त्यात त्यांनी संदीप देशपांडे यांच्यावरील हल्ला, मशिदींवरील भोंगे, हिंदुत्व आणि मराठी माणसाच्या मुद्द्यावर परखडपणे भाष्य केलं आहे.

 

मनसेच्या वर्धापन दिन मेळाव्याचे लाइव्ह अपडेट्स

ट्रेंडिंग न्यूज

 

  • येत्या २२ तारखेला सर्व विषयांवर व्यक्त होईल, असं सांगत राज ठाकरेंनी भाषण संपवलं आहे. राष्ट्रगीतानं कार्यक्रमाचा समारोप झाला आहे.
  • जे सध्या महाराष्ट्रात सुरूय ते राज्याला खड्डात नेणारं आहे. इतकं घाण राजकारण, गलिच्छ भाषा मी कधीही पाहिलेली नाही- राज ठाकरे
  • पुतळे उभारून काहीही होत नाही. जयंत्या आणि पुण्यतिथ्यांना हार घालून आपल्या हाताला काहीही लागणार नाहीये- राज ठाकरे
  • जेव्हा कधी निवडणुका होऊद्यात, आपणच सत्तेत येणार. या पक्षांच्या राजकीय तमाशाला जनता कंटाळली आहे. मी भाषणं देईल, कार्यकर्त्यांनी लोकांपर्यंत पोहचावं- राज ठाकरे
  • १९५२ ते २०१४ या काळात भाजपनं अनेक संकटांचा सामना केला. अनेक गोष्टीतून पक्ष जात असतो. आपला मळभ दूर होईल, सत्तेपासून आपण दूर नाहीयोत- राज ठाकरे
  • कित्येक लोकांनी खस्ता खाल्या, कष्ट केलेत, त्यानंतर भाजपला देशभरात सत्ता मिळालीये. १९५२ पासून जनसंघ संघर्ष करत होता- राज ठाकरे
  • गेल्या १७ वर्षांपासून कार्यकर्त्यांनी मोठी साथ दिली, मनसैनिकांचं सहकार्य मिळालं यासाठी मी स्वत:ला भाग्यवान समजतो- राज ठाकरे
  • माझ्या अयोध्या दौऱ्याला विरोध करणारेही हिंदुत्ववादीच होते, भोंग्यांविरोधातील आंदोलनासाठी मनसैनिकांना तुरुंगात जावं लागलं- राज ठाकरे
  • मशिदींवरील भोंग्यांसाठी आम्ही आंदोलनं केली, पाकिस्तानी कलाकारांना आम्ही भारतातून हाकललं. मग इतर पक्षांचा हिंदुत्ववाद म्हणजे नेमका काय- राज ठाकरे
  • एका पत्रकारानं मला ब्लू प्रिंट नाही तर ब्लू फिल्म बद्दल विचारलं, त्याच दिवशी मी दाखवली असती तर बरं झालं असतं, राज ठाकरेंच्या वक्तव्यानंतर सभागृहात हास्यकल्लोळ
  • फोनवरील संवाद मराठीत हवा, दुकानांवरील पाट्या मराठीत करा, यासाठी महाराष्ट्रात आंदोलनं का करावी लागतात?, बाहेरच्या राज्यांमध्ये यासाठी आंदोलनं झालेली तुम्ही ऐकली?- राज ठाकरे
  • मोबाईल कंपन्या मराठीत संवाद साधत नव्हत्या. मनसे नेते अविनाश जाधव यांनी ठाण्यात कंपन्यांचं ऑफिस फोडलं आणि आता सगळं मराठीत सुरूय- राज ठाकरे
  • नाशिकमध्ये आम्ही भरपूर काम केलं. आमच्यावर एकही भ्रष्टाचाराचा डाग लागला नाही. लोकांना नेमकं काय हवं असतं, हे मला कळतच नाही- राज ठाकरे
  • मनसेनं कोणकोणती आंदोलनं केली, कोणते प्रश्न सोडवलेत पुस्तकरुपात आलंय, कार्यकर्त्यांनी लोकांसमोर मांडावेत- राज ठाकरे
  • मशिदींवरच्या भोंग्यांचा समाचार पुढच्या सभेत मी घेणारच आहे- राज ठाकरे
  • सगळ्या जबाबदाऱ्या मनसेच्याच आहेत का?, अर्धवट सोडलेलं एक आंदोलन दाखवा, टोलमुक्त आंदोलनात आम्ही काय केलं सर्वांना माहिती- राज ठाकरे
  • आमचा आमदार राजू पाटील मनसेची बाजू एकटा मांडतोय, एकही लेकीन काफी है- राज ठाकरे
  • ज्या पक्षानं ६० वर्षे देशावर राज्य केलं त्याची काय अवस्था आहे, हे भाजपनं लक्षात ठेवावं- राज ठाकरे
  • राज ठाकरेंच्या सभेला गर्दी होते पण मतं मिळत नाही, हा काही पत्रकारांचा प्रपोगंडा आहे- राज ठाकरे
  • संदीप देशपांडेंवर हल्ला करण्यात आला, लक्षात ठेवा मी मनसैनिकांचं रक्त वाया घालवू देणार नाही- राज ठाकरे
  • कोणतीही सत्ता नसताना तुमच्या उर्जेनं आपण पक्ष पुढे नेऊ, मी मनसैनिकांचं आभार मानतो- राज ठाकरे
  • मनसे अध्यक्ष राज ठाकरे सभास्थळी दाखल
  • राजकीय विरोधकांना आपली भीती वाटली पाहिजे. आपला श्वास आणि ध्यास मराठी आणि हिंदुत्व आहे. तेच घेऊन पुढं जायचं आहे - बाळा नांदगावकर 
  • शिवसेनेत शेवटच्या काळात राज ठाकरे यांचा वापर झाला. या अवहेलनेमुळं राज ठाकरे यांनी बाहेर पडण्याचा निर्णय घेतला व मनसेची स्थापना केली - बाळा नांदगावकर
  • मनसेचे नेते बाळा नांदगावकर करतायत मेळाव्याला संबोधित.
  • थोड्याच वेळात राज ठाकरे हे मेळाव्याच्या स्थळी दाखल होतील. मनसैनिकांमध्ये भाषणाची प्रचंड उत्सुकता
  • नव्या दमाने, नव्या आयुधांसह… अशी घोषणा देत मनसे हा मेळावा घेत आहे. त्यामुळं राज ठाकरे कोणती नवी आयुधं मनसैनिकांच्या हातात देतात याकडं सर्वांचं लक्ष
  • मनसेच्या वर्धापन दिन सोहळ्याला ठाण्यातील गडकरी रंगायतन सभागृहात सुरुवात. मेळाव्याला मनसैनिकांची मोठी गर्दी

WhatsApp channel
महाराष्ट्रातील बातम्या, प्रत्येक घडामोडीची ब्रेकिंग न्यूज मिळवा हिंदुस्तान टाइम्स मराठीवर