Raj Thackeray : राम मंदिर प्राण प्रतिष्ठा सोहळ्यानंतर राज ठाकरे म्हणाले, ‘आज कारसेवकांचे आत्मे…’

'आज कारसेवकांचे आत्मे सुखावले आणि ३२ वर्षांनी शरयू नदी हसली ! जय श्रीराम !

आज कारसेवकों की आत्मा प्रफुल्लित है और 32 साल बाद शरयू नदी प्रसन्न व हर्षित है।

जय श्रीराम!'

असं ट्विट राज ठाकरे यांनी ट्विट करत आपल्या भावना व्यक्त केल्या आहेत.

अयोध्येत राममूर्तीची विधीवत प्रतिष्ठापना

दरम्यान, अयोध्येतील नवनिर्मित राम मंदिरात आज प्रभू रामचंद्रांच्या मूर्तीची विधीवत प्रतिष्ठापना करण्यात आली. पंतप्रधान नरेंद्र मोदी यांच्या हस्ते हा विधी झाला. यावेळी राष्ट्रीय स्वयंसेवक संघाचे सरसंघचालक मोहन भागवत, उत्तर प्रदेशचे मुख्यमंत्री योगी आदित्यनाथ, उत्तर प्रदेशचे राज्यपाल आनंदीबेन पटेल हे उपस्थित होते.

उद्धव ठाकरे नाशिकमध्ये दाखल

अयोध्येतील राम मंदिराचा प्राण प्रतिष्ठा सोहळा पार पडत असताना माजी मुख्यमंत्री, शिवसेना (ठाकरे गटाचे) प्रमुख उद्धव ठाकरे आज नाशिक दौऱ्यावर आहेत. ठाकरे आज नाशिकच्या काळाराम मंदिरात महाआरती करणार आहे. ठाकरे हे आज गोदाकाठी गोदावरी नदीचे पूजन करणार आहे. त्यामुळे गोदावरी नदीच्या काठी ठाकरे गटाच्या वतीने स्वागताचे बॅनर्स आणि झें झळकले आहे.

उद्धव यांचे देवळालीत आज जंगी स्वागत करण्यात आले. यावेळी उद्धव ठाकरे यांच्या गळ्यात २५ फुटांचा हार घालण्यात आला. जेसीबी सहाय्याने हार घालण्यात आला. उद्धव ठाकरे हे विनायक दामोदर सावरकर यांना अभिवादन करण्यासाठी स्मारकाला भेट देणार आहेत.