Pune Traffic Update : पुणेकरांनो घराबाहेर पडण्याआधी ही बातमी वाचा! मेट्रोच्या कामासाठी शिमला ऑफिस चौकात वाहतुकीत बदल

Pune Police : पुण्यात पुन्हा एकदा गुन्हेगारांची परेड! हजारहून अधिक अट्टल गुन्हेगारांना पोलिस ठाण्यात उभे करत दिली तंबी

पुण्यातील शिवाजीनगर-हिंजवडी मेट्रो मार्गिकेकेचे काम वेगाने सुरू आहे. हे काम सिमला ऑफिस चौकापासून सुरू करण्यात आले आहे. शिवाजीनगर स्थानक, वीर चापेकर चौक, वेधशाळा चौकातील वाहतूक सुरळीत राहावी या हेतूने आज पासून या मार्गावरील वाहतुकीत बदल करण्यात आला आहे. मेट्रो स्थानकाच्या कामासाठी गर्डर लॉचिंगचे कामे केली जाणार असून हे काम पूर्ण होईपर्यंत या भागातील वाहतूक वळवण्यात आली आहे.

Rahul Gandhi In Pune : पुण्यात आज राहुल गांधी यांची तोफ धडाडणार! महाविकास आघाडीच्या उमेदवारांसाठी घेणार सभा

अशी असेल वाहतूक व्यवस्था

गणेशखिंड रस्त्यावरील वीर चापेकर चौक ते नरवीर तानाजी वाडी परिसरातील के. बी. जोशी मार्ग ते वेधशाळा चाैक (एसटी स्थानक मार्ग) मार्ग एकेरी करण्यात आला आहे. वीर चापेकर उड्डाणपुलावरुन वेधशाळेकडे जाणाऱ्या वाहनांना प्रवेश बंद करण्यात आला आहे. वाहनचालकांनी चापेकर उड्डाणपुलाच्या डाव्या बाजूकडील सेवा रस्त्याने चापेकर चौक, डावीकडे वळून नरवीर तानाजीवाडी, उजवीकडे वळून वेधशाळा चौकाकडे जावे, असे आवाहन करण्यात आले आहे.

Maharashtra Weather Update: राज्यात ऊन पावसाचा खेळ! मुंबई, रायगड, ठाणे, सांगली, सोलापूरला उष्णतेची लाट तर विदर्भात पाऊस

फर्ग्युसन महाविद्यालय रस्त्यावरुन वीर चापेकर चौकातून वेधशाळा चौकाकडे वळण्यास बंदी घालण्यात आली आहे. येथून जाणाऱ्या वाहनचालकांनी वीर चापेकर चौकमार्गे, नरवीर तानाजीवाडी, उजवीकडे वळून सिमला ऑफिस चौकाकडे जावे. नरवीर तानाजीवाडी चौक ते चापेकर चैाक दरम्यानची वाहतूक बंद ठेवली जाणार आहे. वाहनचालकांना नरवीर तानाजीवाडी चौकातून डावीकडे वळून सिमला ऑफिस चौकातून उजवीकडे वळून चापेकर चौकाकडे जावे, लागणार आहे.

तर जंगली महाराज रस्त्यावरील स. गो. बर्वे (माॅडर्न कॅफे चौक) चौकातून शिवाजीनगर रेल्वे स्थानकाकडे जाणाऱ्या वाहनांना प्रवेश बंद करण्यात आला आहे. या मार्गावरून जाणाऱ्या वाहनचालकांनी वेधशाळा चौकमार्गे डावीकडे वळून वीर चापेकर चौक, उजवीकडे वळून नरवीर तानाजीवाडीमार्गे शिवाजीनगर रेल्वे स्थानकाकडे जावे लागणार आहे.

नरवीर तानाजीवाडीकडे जाणाऱ्या वाहनांना प्रवेश बंद

शिवाजीनगर रेल्वे स्थानकाकडून एसटी स्थानक चौकातून नरवीर तानाजीवाडीकडे जाणाऱ्या वाहनांना प्रवेश बंद करण्यात आला आहे. वेधशाळा चौकातून गणेशखिंड रस्तामार्गे विद्यापीठाकडे जाणाऱ्या वाहनांनी एलआयसी कार्यालयाकडील बाजूने वळून वीर चापेकर उड्डाणपुलाकडे जावे. वीर चापेकर ते नरवीर तानाजीवाडी चौक ते वेधशाळा चौक परिसरात सर्व प्रकारची वाहने लावण्यास मनाई करण्यात आली आहे.