मराठी बातम्या  /  महाराष्ट्र  /  Pune porsche car case : बदललेले 'ते' रक्ताचे नमुने आरोपीच्या आईचे? मुलासाठी ढसाढसा रडणारी शिवानी अगरवाल गायब

Pune porsche car case : बदललेले 'ते' रक्ताचे नमुने आरोपीच्या आईचे? मुलासाठी ढसाढसा रडणारी शिवानी अगरवाल गायब

Ninad Vijayrao Deshmukh HT Marathi
May 30, 2024 09:38 AM IST

Pune porsche car case : पुणे पोर्श अपघात प्रकरणात आता नवी माहिती पुढे आली आहे. ससुनमध्ये बदललेले रक्ताचे नमुने हे एका महिलेचे असल्याचे पुढे आले आहे. मात्र, ही महिला आरोपीची आई शिवानी अगरवाल यांची असल्याची चर्चा असून सध्या त्या बेपत्ता आहेत.

पुणे पोर्श अपघात प्रकरणात आता नवी माहिती पुढे आली आहे. ससुनमध्ये बदललेले रक्ताचे नमुने हे एका महिलेचे असल्याचे पुढे आले आहे.
पुणे पोर्श अपघात प्रकरणात आता नवी माहिती पुढे आली आहे. ससुनमध्ये बदललेले रक्ताचे नमुने हे एका महिलेचे असल्याचे पुढे आले आहे.

Pune porsche car case : पुण्यात कल्याणीनगर येथे झालेल्या पोर्श कार अपघताप्रकरणी धक्कादायक माहिती पुढे येत आहे. २० मे रोजी ससुनमध्ये आरोपीच्या रक्ताचे नमुने बदलण्यात आल्याचे उघडकीस आले होते. या प्रकरणी ससुनच्या दोन बड्या डॉक्टरांना निलंबित करण्यात आले आहे. मात्र, बदललेले हे रक्ताचे नमुने कुणाचे होते हा प्रश्न अनुत्तरित होता. दरम्यान, पोलिस याचा शोध घेत होते. तपासादरम्यान, पुन्हा धक्कादायक माहिती उघडकीस आली आहे. या प्रकरणी नेमण्यात आलेल्या शासनाच्या चौकशी समितीने हे रक्ताचे नमुने एका महिलेचे असल्याचे म्हटले आहे. हे रक्ताचे नमुने आरोपी मुलाची आई शिवानी अगरवाल यांचे असल्याचे पुढे आले आहे. सध्या शिवानी अगरवाल या बेपत्ता असून त्यांचा फोन देखील बंद आहे. यामुळे या प्रकारी आता त्यांच्यावर देखील कारवाई होण्याची अथवा अटक होण्याची दाट शक्यता वर्तवली जात आहे.

ट्रेंडिंग न्यूज

Pune Accident Case : ‘ससून’मधील 'त्या' २ डॉक्टरांच्या निलंबनानंतर आता अधिष्ठातांवरही कारवाई; डॉ. काळे सक्तीच्या रजेवर

कल्याणीनगर अपघात झाल्यावर बड्या बिल्डरच्या आरोपी मुलाला १९ मे रोजी वैद्यकीय तपासणीसाठी ससून रुग्णालयात पाठवण्यात आले होते. या ठिकाणी त्याने मद्य प्यायलये आहे की नाही या साठी त्याच्या रक्ताचे नमुने घेण्यात आले, मात्र, हे नमुने घेतांना डॉक्टरांनी आरोपीचे नमुने कचऱ्यात फेकून देत दुसऱ्या कुणाचे तरी नमुने तपासणी साठी दिले. या प्रकरणी सुसूनच्या फॉरेन्सिक विभागाचे प्रमुक डॉ. तावरे व डॉ. हरनोळ यांना अटक करण्यात आली असून त्यांना निलंबित देखील करण्यात आले आहे. मात्र, बदलण्यात आलेले हे रक्ताचे नमुने कुणाचे आहे या बाबत तपास सुरू होता. या प्रकरणाच्या चौकशीसाठी नेमलेल्या समितीने बुधवारी अहवाल सादर केला. त्यात मुलाचे रक्ताचे नमुने हे एका महिलेचे असल्याचे पुढे आले आहे. दरम्यान, हे रक्त आरोपीच्या आईचा असल्याची चर्चा आहे.

Pune Navi sangvi murder : पुण्यातील सांगवी परिसर गोळीबाराने हादरला! दोघा हल्लेखोरांनी केली तरुणाची हत्या

मुलाचा फेक व्हिडिओ व्हायरल झाल्यावर मुलासाठी ढसाढसा रडल्या होत्या शिवानी अगरवाल

आरोपी मुलाचा शिव्या देणाऱ्या एक फेक व्हिडिओ व्हायरल झाला होता. दिल्ली येथील एका तरुणाने तो आरोपीअसल्याचे म्हणत शिवराळ भाषेतील व्हिडिओ सोशल मिडियावर उपलोड केला होता. हा विडिओ आरोपीचा आहे म्हणून मोठ्या प्रमाणात व्हायरल झाला होता. यानंतर शिवानी अगरवाल या पुढे आल्या होत्या. हा व्हिडिओ त्यांच्या मुलाचा नसून त्यांनी हात जोडून माध्यमांसमोर रडतांना दिसल्या होत्या.

Bhusawal Murder : भुसावळमध्ये धावत्या कारवर गोळीबार! माजी नगरसेवकासह दोघांची गोळ्या झाडून हत्या, गावात तणाव

शिवानी अगरवाल बेपत्ता

या प्रकरणी शिवानी अगरवाल यांच्यावर देखील कारवाई होण्याची शक्यता व्यक्त केली जात आहे. शिवानी अगरवाल यांनी मुलाचा गुन्हा स्वत:वर घेण्यासाठी ड्रायव्हरला धमकावले असल्याचा आरोप आहे. मात्र, रक्ताचे नमुने बदलल्या प्रकरणी आता त्यांचे नाव पुढे आले आहे. पोलिस त्यांच्या फोनवर संपर्क साधण्याचा प्रयत्न करत आहेत. मात्र, त्यांचा फोन नोट रीचेबल येत आहे.

आरोपीच्या वडिलांनी डॉक्टरला केला होता १४ वेळा कॉल

आरोपी मुलाची ससुनमध्ये चाचणी होत असतांना आरोपी मुलाचे वडील बिल्डर विशाल अगरवाल याने डॉ. तावरे यांना १४ वेळा कॉल केला असल्याची माहिती देखील तपासात पुढे आली आहे. या वेळी पैशांचा मोठा व्यवहार झाल्यावर आरोपीचे रक्ताचे नमुने हे कचऱ्यात फेकण्यात आले.

टी-२० वर्ल्डकप २०२४

विभाग