Maratha Reservation Rally : मराठा आरक्षण शांतता रॅलीनिमित्त रविवारी पुण्यातील वाहतुकीत बदल, कोणते मार्ग राहणार बंद?
maratha reservation rally : अखंड मराठा समाजाकडून काढण्यात येणाऱ्या शांतता रॅली निमित्ताने रविवारी पुणे शहरातील विविध भागात वाहतूक बदल करण्यात आला आहे.
मराठा आरक्षणासाठी रविवारी (११ ऑगस्ट) अखंड मराठा समाजाकडून शांतता रॅलीचे आयोजन करण्यात आले आहे. मनोज जरांगे पाटील यांच्या उपस्थितीत होणाऱ्या या रॅलीनिमित्त पुण्यातील वाहतूक व्यवस्थेत बदल करण्यात आले आहेत. या कालावधीत वाहनधारकांना पर्यायी मार्ग उपलब्ध करून देण्यात आल्याची माहिती वाहतूक पोलिसांनी दिली आहे.
रविवारी सारसबाग येथून मराठा आरक्षण शांतता रॅली निघणार आहे. तेथून बाजीराव रोड, आप्पा बळवंत चौक, छत्रपती शिवाजी महाराज पुतळा एस.एस.पी.एम.एस. मार्गे जंगली महाराज रोडने गरवारे पुल छत्रपती संभाजी पुतळा येथे विसर्जन होणार आहे.
रॅलीमुळे जेधे चौक परिसर, सोलापुर रोड, सातारा रोड, सिंहगड रोड, टिळक रोड, शास्त्री रोड, लक्ष्मी रोड, केळकर रोड, बाजीराव रोड, शिवाजी रोड, जे. एम रोड, कर्वे रोड, तसेच खंडोजी बाबा चौक या परिसरा मधील वाहतुकीमध्ये बदल करणे आवश्यक असल्याने आवश्यकते नुसार वाहतूक बदल करण्यात येणार आहेत.
पुण्यातील वाहतूक व्यवस्थेत करण्यात आलेले बदल खालीलप्रमाणे -
- नवले पुल – वाहतुकीचा आढावा घेऊन नवले पुलाकडून येणारी वाहतूक नवीन बोगद्याकडे वळविण्यात येईल.
- कोंढवा खडीमशीन चौक – जड वाहने कात्रजकडे न सोडता बोपदेव घाटमार्गे जातील.
- कात्रज चौकमार्गे फेरी लक्ष्मीनारायण चित्रपटगृह चौकमार्गे जाणार आहे.
- फेरी मार्गस्थ झाल्यानंतर पाठीमागील वाहतूक पूर्ववत करण्यात येणार आहे.
- जेधे चौकातून सिंहगड रस्त्याकडे जाणारी वाहतूक लक्ष्मीनारायण चित्रपटगृह चौकमार्गे, मित्रमंडळ चौक, सावरकर चौकमार्गे जाणार आहे.
- नीलायम चित्रपटगृह ते सावरकर पुतळा चौक वाहतूक बंद राहणार आहे. ना. सी. फडके चौक, सणस पुतळ्याकडे जाणारा मार्ग वाहतुकीस बंद ठेवण्यात येणार आहे. टिळक रस्त्यावरील स. प. महाविद्यालय ते पूरम चौक दरम्यानची वाहतूक बंद राहणार आहे.
- छत्रपती शिवाजी महाराज रस्ता, राष्ट्रभूषण चौकमार्गे जाणारी वाहने शंकरशेठ रस्त्याने इच्छितस्थळी जातील.
- सिंहगडरोड कडून येणारे वाहतुक दांडेकर पुल, सावरकर चौक, मित्रमंडळ चौक व व्होल्गा चौक असे जाईल. एस. पी कॉलेज चौक पुरम चौकाकडे वाहतुक बंद राहील. सातारा रोडने मार्केटयार्ड जंक्शन येथून जेधे चौकाकडे वाहतुक बंद राहील.
- मार्केट यार्ड ते जेधे चौक दरम्यान वाहतूक बंद राहणार आहे. या भागातील वाहनांनी शिवनेरी रस्त्याने वखार महामंडळ चौकातून इच्छितस्थळी जावे.
- शिवाजी पुतळा चौक ते शिवाजीनगर न्यायालय, रेव्हेन्यू कॉलनी ते मॉडर्न चौक, झाशीची राणी पुतळा चौक ते सावरकर भवन, महात्मा फुले संग्रहालय ते झाशीची राणी पुतळा चौक
- गोखले स्मारक चौक ते नटराज चित्रपटगृह रस्ता वाहतुकीस बंद राहणार आहे. काकासाहेब गाडगीळ पूल ते केळकर रस्ता वाहतुकीस बंद राहणार आहे.
- नळस्टॉप चौक ते खंडोजीबाबा चौक दरम्यानची वाहतूक बंद ठेवण्यात येणार आहे.
- बेलबाग चौक लक्ष्मी रोड बेलबाग चौक वाहतुक बंद राहील.
- केळकर रोड - टकले हवेली चौक अप्पा बळवंत चौकाकडे वाहतुक बंद राहील.
- बुधवार चौक अप्पा बळवंत चौकाकडे वाहतुक बंद राहील जिजामाता चौक फुटका बुरूज कडे वाहतुक बंद राहील.
- जयवंतराव टिळक पुल शनिवार वाडयाकडे वाहतुक बंद राहील कुंभारवेस चौक गाडगीळ पुतळा कडे वाहतुक बंद राहील.
- मंगला टॉकीज प्रीमीअर गॅरेजकडे वाहतुक बंद राहील. खुडे चौक प्रीमीअर गॅरेजकडे वाहतुक बंद राहील शिवाजी पुतळा चौक शवाजीनगर कोर्ट कडून येणारी वाहतुक बंद राहील.
- स. गो. बर्वे चौक संपुर्ण वाहतुक शिमला ऑफीस चौक मार्गे जाईल रेव्हेन्यू कॉलनी जंक्शन मॉर्डन चौकाकडे वाहतुक बंद राहील.
- झाशी राणी- सावरकर भवन चौक वाहतुक ओंकारेश्वर पुल मार्गे जाईल. महात्मा फुले संग्रहालय झाशी राणी चौकाकडे वाहतुक बंद राहील
- रॅली जंगली महाराज रोड वरती आलेनंतर डायव्हर्शन पॉईंट, गुडलक चौक नटराज चौकाकडे वाहतुक बंद राहील.
- भांडारकर रोडकडून येणारी वाहतुक एफ सी रोड मार्गे जातील.
- झेड ब्रीज केळकर रोड वरून वाहतुक बंद राहील.
- भिडे पुल रसशाळा चौक एस एम जोशी पलाकडील वाहने नळस्टॉप मार्गे जातील
- पुलाची वाडी येथून जंगली महाराज रोडला वाहतुक बंद राहील. नळस्टॉप चौक खंडोजीवावा चीक कडे वाहतुक बंद राहील.