पुण्यात चाललंय काय ! वाहतूक पोलिसावर पुन्हा प्राणघातक हल्ला, फोनवर बोलण्यापासून रोखल्यावर डोक्यात मारला दगड, VIDEO

धक्कादायक..! आईनेच पोटच्या २ लेकरांचा झोपेतच गळा दाबून घेतला जीव; पतीवरही कोयत्याने वार, दौंडमधील घटना

राजेश गणपत नाईक (वय ४७) असे गंभीर जखमी झालेल्या वाहतूक पोलीस कर्मचाऱ्याचे नाव आहे.मिळालेल्या माहितीनुसार, पोलीस हवालदार राजेश नाईक फुरसुंगी वाहतूक विभागात कार्यरत आहेत. गुरुवारी सायंकाळी ते भेकराईनगर चौकात वाहतुकीचे नियंत्रण करत होते. सायंकाळी साडेपाच वाजण्याच्या सुमारास या चौकातून एक व्यक्ती फोनवर बोलत दुचाकी चालवत होता. नाईक यांनी त्याला गाडी चालवताना फोनवर बोलू नकोस असे सांगितले. याचा राग आल्याने या व्यक्तीने नाईक यांना शिवीगाळ करत वाद घातला. त्यानंतर रस्त्याच्या बाजूला पडलेला दगड उचलून सरळ त्यांच्या डोक्यात घातला.

GBS Virus: जीबीएस व्हायरसचा मुंबईत शिरकाव, अंधेरी पूर्व परिसरातील महिलेची चाचणी पॉझिटिव्ह

या हल्ल्यात राजेश नाईक गंभीर जखमी झाले असून त्यांच्यावर खाजगी रुग्णालयात उपचार सुरू आहेत. अज्ञात दुचाकी चालकाविरोधात फुरसुंगी पोलीस ठाण्यात सरकारी कामात अडथळा आणल्या प्रकरणी गुन्हा दाखल करण्यात आला आहे. फरार झालेल्या दुचाकी चालकाचा शोध घेतला जात आहे.

घटनेचा व्हिडिओ व्हायरल -

दरम्यान या घटनेचा व्हिडिओ व्हायरल झाला असून व्हिडीओमध्ये दिसते की, एक व्यक्ती फोनवर बोलत दुचाकी चालवत आहे. वाहतूक नियम मोडणाऱ्या या चालकाला जेव्हा वाहतूक पोलिसाने रोखले तेव्हा एका व्यक्तीने वाहतूक पोलिसावर हल्ला केला. पोलिसांच्या अंगावर धावून जाण्याचा प्रयत्न केला. हा व्हिडिओ शेअर करताना लिहिलंय की, आता पोलिसांना पण सुरक्षिततेची गरज आहे. काय चाललंय आपल्या पुण्यात. _punethings या इन्स्टाग्राम अकाउंटवरून हा व्हिडीओ शेअर करण्यात आला आहे. या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “माज आहे” तर काही युजर्सनी वाहतूक पोलिसांवरच टीका केली आहे.