मराठी बातम्या  /  महाराष्ट्र  /  Pune Metro : मेट्रोने आणली भन्नाट योजना! केवळ शंभर रुपयांत करा पुणे दर्शन! असा घ्या लाभ

Pune Metro : मेट्रोने आणली भन्नाट योजना! केवळ शंभर रुपयांत करा पुणे दर्शन! असा घ्या लाभ

May 21, 2024 10:28 AM IST

Pune Metro News : पुणे मेट्रोने प्रवाशांसाठी खास योजना आणली आहे. केवळ १०० रुपयांत पुणे मेट्रोच्या कोणत्याही मार्गावर दिवसभर प्रवास करता येणार आहे.

 पुणे मेट्रोने प्रवाशांसाठी खास योजना आणली आहे. केवळ १०० रुपयांत पुणे मेट्रोच्या कोणत्याही मार्गावर दिवसभर प्रवास करता येणार आहे.
पुणे मेट्रोने प्रवाशांसाठी खास योजना आणली आहे. केवळ १०० रुपयांत पुणे मेट्रोच्या कोणत्याही मार्गावर दिवसभर प्रवास करता येणार आहे.

Pune Metro News : पुणे मेट्रोची कामे जोरदार सुरू आहे. मेट्रोच्या सिव्हिल कोर्ट ते स्वारगेट मार्गाचे काम पूर्ण झाले आहे. असून येथील अंडरग्राउंड चाचणी दोन महिन्यांपूर्वी घेण्यात आली. पुणे मेट्रोला आणखी ३ कोच देखील मिळणार असल्याने लोकसभा निवडणूक निकालानंतर हे मार्ग सुरू होण्याची शक्यता आहे. सध्या मेट्रोचे दोन मार्ग सुरु करण्यात आले असून नागरिक मेट्रो प्रवासाला प्रतिसाद देत आहे. हा प्रतिसाद पाहता मेट्रोने आता पुणेकरांसाठी नवी योजना आणली आहे. या अंतर्गत पुणे मेट्रोने दैनंदिन पासची सुविधा सुरू केली असून १०० रुपयांच्या या पासने दिवसभरात मेट्रोच्या दोन्ही मार्गांवर अमर्यादीत प्रवास करता येणार आहे. त्यामुळे पुण्यातून पिंपरी चिंचवड आणि पिंपरी चिंचवडमधून पुण्यात येणाऱ्या प्रवाशांची सुविधा होणार आहे.

ट्रेंडिंग न्यूज

Madhya railway : मध्य रेल्वेची वाहतूक तांत्रिक कारणाने विस्कळीत ! ठाणे, डोंबिवली स्टेशनवर प्रवाशांची मोठी गर्दी

पुणेकर मेट्रोने प्रवास करण्यास प्राधान्य देत आहेत. रोज हजारो पुणेकर मेट्रोसेवेचा लाभ घेत आहेत. पुणे मेट्रो सिव्हिल कोर्ट ते पिंपरी चिंचवड आणि वनाज ते रामवाडी या मार्गांवर सध्या धावत आहेत. पुणेकरांकडून मिळणाऱ्या प्रतिसादामुळे मेट्रो प्रशासनही नवनवीन सुविधा देण्याचा प्रयत्न करत आहेत.

Congress vs BJP: सायन येथील मतदान केंद्रात भाजप कार्यकर्त्याला मारहाण, दोन जणांविरोधात गुन्हा दाखल

प्रवाशांना दिल्या या सुविधा

गेल्या मार्च महिन्यात तब्बल २२ लाखांपेक्षा जास्त पुणेकरांनी मेट्रोने प्रवास केला. पिंपरी- चिंचवडमधून पुणे स्टेशन, येरवडा, वनाजपर्यंत मेट्रोने जात येते. मेट्रोने केवळ अर्धा तासांत हा प्रवास होत असल्याने रस्ते मार्गाने जाण्यापेक्षा मेट्रोने जाण्यास नागरिक प्राधान्य देत आहेत. मेट्रोकडून ऑनलाइन आणि ऑफलाइन तिकीट सुविधा, अॅप, मेट्रो स्थानकावर मशीनच्या माध्यमातून तिकीट दिले जात आहे.

मुंबईत ३६ फ्लेमिंगोचा पक्ष्यांचा मृत्यू; आकाशात उडणाऱ्या फ्लेमिंगो पक्ष्यांच्या थव्याला विमान धडकले

१०० रुपयांत दिवसभरात पासची सुविधा

स्मार्ट कार्ड, मासिक पास मेट्रोकडून प्रवाशांना दिला जात आहे. आता त्यासोबत प्रवाशांना शंभर रुपयांना दैनंदिन पासची सुविधा पुणे मेट्रोने सुरु केली आहे. त्यामध्ये त्या दिवसभरात अमर्यादीत प्रवास करता येणार आहे. यामुळे प्रवाशांचा फायदा होणार आहे. हा पास दोन्ही मार्गांवर वापरता येणार आहे. तसेच पासची वैधात ही सकाळी सहापासून रात्री दहा वाजेपर्यंत राहणार आहे.

सध्या पुणे मेट्रोच्या सिव्हिल कोर्ट ते स्वारगेट मार्गाचे काम पूर्ण झाले आहे. या ठिकाणी अंडरग्राउंड मेट्रोची चाचणी दोन महिन्यांपूर्वी घेण्यात आली. यामुळे लोकसभा निवडणूक निकालानंतर कधीही हा मार्ग महामेट्रोकडून सुरु केला जाण्याची शक्यता आहे.

टी-२० वर्ल्डकप २०२४

विभाग