Zomato Order: पुण्यात झोमॅटोद्वारे ऑर्डर केलेल्या व्हेज बिर्याणीत आढळला चिकनचा तुकडा; धार्मिक भावना दुखावल्याचा ग्राहकाच

प्राप्त माहितीनुसार पंकज शुक्ला या व्यक्तिने पुण्यातील कर्वे नगर परिसरातील ‘पीके बिर्याणी हाऊस’ येथून पनीर बिर्याणी मागवली होती. त्यात त्यांना चिकनचा तुकडा सापडला, असं पंकज शुक्ला यांनी एक्सवर (पूर्वीचे ट्विटर)वर एक व्हिडिओ शेअर करत लिहिले आहे. दरम्यान, झोमॅटोकडून या व्यक्तिला नंतर व्हेज बिर्याणी पाठवण्यात आली असली तरी आपण मी धार्मिक स्वभावाचे असल्याने माझ्या धार्मिक भावना दुखावल्या आहेत, असं शुक्ला यांनी लिहिले आहे.

‘PK Biryani House, Karve Nagar, Pune, Maharashtra येथून पनीर बिर्याणी मागवली. मला त्यात चिकनचा तुकडा सापडला (मी शाकाहारी व्यक्ती आहे). मला आधीच परतावा मिळाला आहे. पण मी धार्मिक व्यक्ती असल्याने माझ्यासाठी हे पाप आहे. त्यामुळे माझ्या धार्मिक भावना दुखावल्या गेल्या आहेत.’ असं पंकज शुक्ला यांनी ट्विट केले आहे.

हे वाचाः फूड ऑर्डर करताना 'असं' लिहू नका! झोमॅटोची ग्राहकांना विनंती

दरम्यान, झोमॅटो कंपनीने सोशल मीडियावर पंकज शुक्ला यांच्या या पोस्टला उत्तर दिलं आहे. ‘हाय पंकज, आम्ही कोणाच्याही भावनांशी तडजोड करत नाही. याची काळजी घेणे हे आमचे सर्वोच्च प्राधान्य आहे. कृपया आपली ऑर्डर आयडी किंवा नोंदणीकृत फोन नंबर डीएमद्वारे शेअर करा. जेणेकरून आम्ही हे तपासू शकू.’ असं झोमॅटोद्वारे उत्तर देण्यात आलं.

दरम्यान, पंकज शुक्ला यांच्या या पोस्टवर सोशल मीडियावर इतरांनी काय काय प्रतिक्रिया दिल्या, ते पाहा:

‘शुद्ध शाकाहारी दुकानांमधून पदार्थ खरेदी करा. शाकाहारी-मांसाहारी पदार्थांची संयुक्त विक्री करणाऱ्या भोजनालयातून कधीही काहीही खरेदी करू नका!’, असं एका व्यक्तीनं पोस्ट केलं आहे.

दुसऱ्या एका व्यक्तिने लिहिलं आहे, ‘शुद्ध शाकाहारी रेस्टॉरंटमधून ऑर्डर करा.’

आणखी एका व्यक्तिने लिहिलं आहे,'तुम्ही मांसाहारी रेस्टॉरंटमधून ऑर्डर का केली?'

हे वाचाः झोमॅटोनं नॉनव्हेज पदार्थांची डिलिव्हरी थांबवली, कारण काय?

एअर इंडियात व्हेज जेवणार आढळला होता चिकनचा तुकडा

यापूर्वी जानेवारी महिन्यात एक महिला एअर इंडियाच्या विमानाने कोझिकोडहून मुंबईला जात असताना तिला शाकाहारी जेवण दिले गेले असता तिच्या जेवणात चिकनचे तुकडे आढळले होते. केबिन सुपरवायझरला माहिती दिल्यानंतर तिने याबद्दल महिलेची माफी मागितली होती. विमानातील आणखी एका प्रवाशानेही अशाच प्रकारची तक्रार केल्याचं या महिला विमान प्रवाशाने सांगितलं होतं.

एअर इंडियानेही या पोस्टवर कमेंट करत प्रतिक्रिया दिली होती. आहे. ‘प्रिय जैन, आपण ट्विटमधून मांडलेला तपशील डिलिट करावा, अशी विनंती करतो. त्याचा गैरवापर होई शकतो. आपल्या पीएनआर आम्हाला डीएम करावा.’

हेही वाचाः शाकाहारी ग्राहकांसाठी झोमॅटोचा प्युअर व्हेज मोड; डिलिव्हरी बॉयचा पेहरावही बदलणार