मराठी बातम्या  /  महाराष्ट्र  /  Pune News : तळजाई टेकडी बेसुमार वृक्षतोड; वन विभाग ॲक्शन मोडवर, ३ अधिकाऱ्यांना नोटीस

Pune News : तळजाई टेकडी बेसुमार वृक्षतोड; वन विभाग ॲक्शन मोडवर, ३ अधिकाऱ्यांना नोटीस

Jun 12, 2024 11:40 PM IST

उपवनसंरक्षक महादेव मोहिते यांनी ५ जून रोजी भांबुर्डा परिक्षेत्राचे वनअधिकारी पी. बी. संकपाळ, पाचगाव पर्वती वनरक्षक व्ही. के. गोंधळे, वनपरिक्षेत्र सुरक्षा रक्षक एस. एम. चव्हाण यांना कारणे दाखवा नोटीस बजावून पंधरा दिवसांत उत्तर सादर करण्याचे आदेश दिले आहेत

तळजाई टेकडीवरील वृक्षतोडीप्रकरणी वन विभागाची तीन अधिकाऱ्यांना नोटीस (HT FILE)
तळजाई टेकडीवरील वृक्षतोडीप्रकरणी वन विभागाची तीन अधिकाऱ्यांना नोटीस (HT FILE)

तळजाई टेकडीवरील बेसुमार वृक्षतोडीच्या घटनांबाबत नागरिकांच्या तक्रारींची वनविभागाने तपासणी केल्यानंतर या प्रक्रियेत अनेक नियमांचे उल्लंघन झाल्याचे निदर्शनास आले आहे.

उपवनसंरक्षक महादेव मोहिते यांनी भांबुर्डा परिक्षेत्राचे वनअधिकारी पी. बी. संकपाळ, पाचगाव पर्वती वनरक्षक व्ही. के. गोंधळे, वनपरिक्षेत्र सुरक्षा रक्षक एस. एम. चव्हाण यांना कारणे दाखवा नोटीस बजावून पंधरा दिवसांत उत्तर सादर करण्याचे आदेश दिले आहेत.

ट्रेंडिंग न्यूज

तळजाई डोंगरावरील किमान २०० ग्लिरिसिडिया झाडे १७ मार्च रोजी हटविण्याच्या उपक्रमात ठराविक प्रजातींव्यतिरिक्त इतर झाडांची कत्तल करण्यात आल्याने डोंगर जैवविविधतेचे मोठ्या प्रमाणात नुकसान झाल्याचा आरोप नागरिकांनी केला आहे. एप्रिल महिन्यात सहकारनगर नागरिक मंचाने वनविभागाला दिलेल्या याचिकेत या घटनेतील संबंधित अधिकाऱ्यांवर कारवाई करण्याची मागणी केली होती.

१३ एप्रिल रोजी करण्यात आलेल्या पंचनाम्यात चुकीच्या पद्धतीने प्रकल्प राबविणे, विशेषत: झाडांचे लेबलिंग व मार्किंग न केल्याने कंत्राटदार व वन कर्मचाऱ्यांकडून ग्लिरिसिडिया वगळता इतर झाडांची बेसुमार कत्तल होत असल्याचे निदर्शनास आले आहे.

मोहिते म्हणाले की, वृक्षतोड मोहिमेदरम्यान वनाधिकाऱ्यांनी योग्य प्रक्रियेचे पालन केले नाही. वृक्षगणना झाली, पण त्याची योग्य नोंद झाली नाही. शिवाय लाकूड तोडणीचा अंदाज ही योग्य पद्धतीने घेण्यात आला. सात हेक्टर वनजमिनीवर नेण्यात आलेले वृक्ष (ग्लिरिसिडिया प्रजाती) तोडण्याची मोहीम हाती घेण्यापूर्वी वनअधिकाऱ्यांनी नागरिकांना विश्वासात घेतले नाही, असेही मोहिते यांनी सांगितले. विहित मुदतीत उत्तर सादर न केल्यास त्यांच्यावर कारवाई करण्यात येईल, असेही मोहिते यांनी स्पष्ट केले.

डोंबिवली एमआयडीसीतील केमिकल कंपन्यांमध्ये भीषण आग -

काही दिवसांपूर्वी झालेला भीषण स्फोट आणि त्यानंतरच्या आगीच्या आठवणी ताज्या असतानाच डोंबिवली पुन्हा एकदा हादरली आहे. इथल्या एमआयडीसी फेज-२ मधील दोन केमिकल कंपन्यांमध्ये आज मोठी आग लागली आहे. या घटनेमुळं एमआयडीसी परिसरात प्रचंड घबराट उडाली आहे. इंडो अमाईन्स (IndoMines) आणि मालदे नावाच्या केमिकल कंपन्यांमध्ये ही आग लागल्याची प्राथमिक माहिती आहे. आगीच्या ठिकाणाहून स्फोटांचे आवाज आल्याचंही बोललं जात आहे. या घटनेची माहिती मिळताच अग्निशमन दलाच्या सात ते आठ गाड्या घटनास्थळी पोहोचल्या.

WhatsApp channel
विभाग
महाराष्ट्रातील बातम्या, प्रत्येक घडामोडीची ब्रेकिंग न्यूज मिळवा हिंदुस्तान टाइम्स मराठीवर