पुण्यात १३८ कोटींच्या सोन्यानं भरलेला टेम्पो सापडला, तर हिंगोलीतून १ कोटींची रोकड जप्त

पुण्यातील खेड शिवापूर टोल नाक्यावर पाच कोटींची रोकड जप्त केल्यानंतर आज (शुक्रवार) सकाळा ८ वाजण्याच्या सुमारास शहरातील सहकारनगर पोलीस ठाण्याच्या हद्दीत पुणे पोलिसांच्या नाकाबंदीत १३८ कोटींचे सोने पकडले आहे. पुणे-सातारा रस्त्यावर ही कारवाई करण्यात आली. एका संशयित वाहनाची पोलिसांनी झडती घेतली असता त्यात हे सोन्याचे दागिने सापडले. हे सोनं नेमकं आलं कुठून,  कुठे जात होतं?  कोणाचं होतं याचा तपास केला जात आहे.

निवडणुकीची रणधुमाळी सुरू होताच तपास यंत्रणा सावध! २४ तासांत जप्त केली ५२ कोटींची मालमत्ता

टेम्पोमध्ये १३८ कोटी रुपये किंमतीचे सोने सापडले आहे. हा टेम्पो एका खाजगी लॉजिस्टिक कंपनीचा असून यामधील सोनं पुण्यातील एका व्यापाऱ्याकडे जात होतं, अशी माहिती समोर आली आहे. याचा पोलीस तपास करत आहेत. पोलिसांनी यासंदर्भात सर्व माहिती आयकर विभाग तसेच निवडणूक आयोगाला कळवलेली आहे. सध्या हा टेम्पो पुण्यातील सहाय्यक पोलीस आयुक्त कार्यालयात नेण्यात आलेला आहे.

पुण्यात आणखी एका कारमधून लाखो रुपयांची रोकड जप्त! नाकाबंदीवेळी पोलिसांची धडक कारवाई

हिंगोलीत १ कोटींची रोकड जप्त -

निवडणुकीच्या पार्श्वभूमीवर हिंगोली शहरातही पोलिसांनी नाकाबंदी केली आहे. नाकाबंदीदरम्यान एका कारमधून पोलिसांनी १ कोटी ४० लाखाची रक्कम जप्त केली आहे. पोलिसांनी रोकड जप्त करून तपास करू केला असून प्राथमिक तपासात ही रोकड एका बँकेची असल्याची माहिती समोर आली आहे.

हिंगोली शहरात बस स्थानक परिसरात पोलिसांना एका इनोवा कारमध्ये १ कोटी ४० लाख रुपयांची रोकड सापडली आहे. ही रोकड पोलिसांनी जप्त केली असून इतक्या मोठ्या प्रमाणात रोकड कशी आली, याचा तपास केला जात आहे.