Pm modi in Maharashtra: PM मोदी शुक्रवारी महाराष्ट्राच्या दौऱ्यावर.. मुंबई ट्रान्स हार्बर सागरी सेतू लोकार्पण, पाहा दौरा
PM Modi Visit Maharashtra : पंतप्रधान मोदी शुक्रवारी नाशिक व मुंबई दौऱ्यावर येणार असून मुंबई ट्रान्स हार्बर सागरी सेतू तसेच राष्ट्रीय युवा महोत्सवासोबत अन्य विकास कामांचे उद्घाटन मोदींच्या हस्ते होणार आहे.
PM Modi to visit Maharashtra : पंतप्रधान नरेंद्र मोदी उद्या (शुक्रवार) महाराष्ट्राच्या दौऱ्यावर येणार आहेत. नाशिक व मुंबईत पंतप्रधानांच्या हस्ते अनेक विकासकामांचे उद्घघाटन करण्यात येणार आहे. आपल्या दौऱ्यात पंतप्रधान नरेंद्र मोदी शिवडी न्हावा शेवा सागरी सेतूचे लोकार्पण, खारकोपर -उरण रेल्वे सेवा व नाशिकमधील युवा महोत्सवाचे उद्घाटन करणार आहेत.
मोदींच्या या दौऱ्याच्या पार्श्वभूमीवर मराठा आंदोलनातील कार्यकर्त्यांना प्रतिबंधात्मक नोटीसा बजावण्यात आल्या आहेत. तसेच नाशिक व मुंबईतील वाहतूक देखील अन्य मार्गाने वळवण्यात आली आहे.
मोदींचे दुपारी सव्वा बारा वाजता नाशिकमध्ये आगमन होणार आहे. त्यांच्या हस्ते २७ व्या राष्ट्रीय युवा महोत्सवाचे उद्घाटन होणार आहे. दुपारी साडेतीनच्या सुमाराला मुंबईत अटल सेतूचे लोकार्पण व चार वाजता नवी मुंबईत एका कार्यक्रमात सहभागी होणार आहेत.
- मोदींच्या हस्ते नाशिकमधील २७ व्या राष्ट्रीय युवा महोत्सवाचे उदघाटन करण्यात येईल. दरवर्षी स्वामी विवेकानंद यांच्या जन्मदिनी म्हणजेच १२ ते १६ जानेवारी दरम्यान राष्ट्रीय युवा महोत्सव आयोजित केला जातो.यंदाचे यजमानपद महाराष्ट्रकडे आहे.
- नरेंद्र मोदींचा नाशिकमध्ये रोड शो होणार असून शहरात प्रचंड बंदोबस्त ठेवण्याच येणार आहे. तब्बल अडीच हजार पोलीस, एसआरपीएफ ५ तुकड्या, १२ बॉम्ब शोधक आणि नाशक पथके, एसपीजी कमांडो असा पोलीस बंदोबस्त आतापासूनच रोड शो च्या मार्गावर तैनात करण्यात आला आहे.
- नरेंद्र मोदी दुपारी साडे तीन वाजण्याच्या सुमारास अटल सागरी सेतूचे लोकार्पण करतील. याची पायाभरणीही मोदींच्या हस्त डिसेंबर २०१६ मध्ये झाली होती. हा देशातील सर्वात लांब पूल तसेत सर्वात लांब सागरी सेतू आहे. यांची लांबली सुमारे २१.८ किमी असून हा ६ पदरी मार्ग आहे.
- मोदींच्या हस्ते नवी मुंबईत १२,७०० कोटी रुपयांच्या विविध विकास प्रकल्पांचे उद्घाटन, लोकार्पण आणि पायाभरणी करणार आहेत. याच कार्यक्रमादरम्यान, पंतप्रधान सुमारे २००० कोटी रुपयांचे रेल्वे प्रकल्प राष्ट्राला समर्पित करणार आहेत. उरण रेल्वे स्थानक ते खारकोपर या ईएमयू रेल्वेगाडीला हिरवी झेंडी दाखवून त्याचेही उदघाटन पंतप्रधान करतील.
