Panshet dam : पुण्यातील वरसगाव धरण तुडुंब; पानशेतमधून पाणी सोडले, गावकऱ्यांना सतर्कतेचा इशारा

खडकवासला धरण साखळी परिसरात जोरदार पाऊस सुरू आहे. या ठिकाणी अतिपर्जन्य झाल्याची नोंद झाली आहे. त्यामुळे चारही धरणात मोठ्या प्रमाणात पाण्याची आवक होत असून ही धरणे भरली आहे. त्यामुळे पुणे शहराची पाण्याची चिंता मिटली आहे. खडकवासला धरण साखळीची पाणीसाठवण्याची क्षमता ही २९ टीएमसी आहे. सध्या या साखळीत २४.९५ टीएमसी साठा झाला झाला आहे.

रविवारी पानशेत धरण ९४ टक्के क्षमेतेने भरले होते. त्यामुळे धरणातून कधीही पाणी सोडण्यात येईल असा इशारा पाटबंधारे खात्याने दिला होता. त्यानुसार आज सकाळ पासून १५ हजार क्युसेकने धरणात पाणी सोडण्यात येत आहे. ही पाणी खडकवासला धरणात येत असल्याने या धरणातून देखील विसर्ग सुरू करण्यात आला आहे. यामुळे मुठा नदीपात्र ओसंडून वाहण्याची शक्यता आहे. त्यामुळे धरण परिसरात कोणीही उतरू नये व नदी मधील शेती पंप , नदी काठची शेती अवजारे, व तत्सम साहित्य अथवा जनावरे असल्यास तात्काळ हलविण्यात यावे, असे आवाहन करण्यात आले आहे.

Worli hit and run : वरळलीत हीट अँड रनचा बळी! आलिशान BMW च्या धडकेत तरुणाचा मृत्यू; मृत्यूशी झुंज अपयशी

खडकवासला धरणात १.६१ टीएमसी म्हणजे ८१.४३ टक्के, तर पानशेत धरणात १०.१६ टीमसी म्हणजेच ९५.४५ टक्के पाणी साठा झाला आहे. तर वरसगाव धरणात १०.२९ टीएमसी म्हणजेच ८०.२५ टक्के पाणी साठा झाला आहे. तर टेमघर धरणात २.८९ टीएमसी म्हणजेच ७७,९९ टक्के पाणी साठा झाला आहे.