मराठी बातम्या  /  महाराष्ट्र  /  Palghar Accident : पालघरमध्ये टेम्पो आणि जीपचा भीषण अपघात! तिघे ठार, ७ गंभीर जखमी! नाशिकच्या भाविकांवर काळाचा घाला

Palghar Accident : पालघरमध्ये टेम्पो आणि जीपचा भीषण अपघात! तिघे ठार, ७ गंभीर जखमी! नाशिकच्या भाविकांवर काळाचा घाला

May 28, 2024 09:04 AM IST

Palghar Accident : पालघर येथे मोठा अपघात झाला आहे. जव्हार विक्रमगड मार्गावरील वाळवंटा येथे हा अपघात झाला असून यात तिघांचा मृत्यू तर ७ जण गंभीर जखमी झाले आहेत.

पालघरमध्ये टेम्पो आणि जीपचा भीषण अपघात
पालघरमध्ये टेम्पो आणि जीपचा भीषण अपघात

Palghar Accident : पालघर येथे जव्हार विक्रमगड मार्गावरील वाळवंटा येथे भीषण अपघात झाला आहे. नाशिक जिल्ह्यातील दिंडोरी येथील काही भाविक हे विरार एथे जीवदानी मातेच्या दर्शनासाठी जात होते. या भाविकांच्या जीपचा आणि टेम्पोची धडक झाल्याने भीषण अपघात झाला आहे. या अपघातात तिघे जण ठार झाले आहे तर ७ जण जखमी झाले आहे. हा अपघात सोमवारी संध्याकाळी ७ च्या सुमारास झाला.

ट्रेंडिंग न्यूज

Maharashtra Weather Update : सूर्य ओकतोय आग! अकोला, चंद्रपूर, यवतमाळला हीट वेव्ह तर उर्वरित राज्यात पावसाची शक्यता

मिळालेल्या माहितीनुसार या अपघातात गंगुबाई दशरथ कोरडे, निवृत्ती गणपत पागे, सुंदराबाई निवृत्ती पागे या तिघांचा अपघातात मृत्यू झाला आहे. तर आणखी सात जण गंभीर जखमी झाली आहेत. जखमींवर जव्हार येथील पतंगशहा कुटीर रुग्णालय तर काही जणांवर नाशिक येथील रुग्णालयात उपचार सुरू आहेत.

Pune Accident : पुणे अपघात प्रकरणी अजितदादांचा आमदार गोत्यात! ससुनच्या 'त्या' डॉक्टरची केली होती शिफारस, पत्र व्हायरल

पोलिसांनी दिलेल्या माहितीनुसार नाशिक जिल्ह्यातील दिंडोरी आंबेगण येथील काही भाविक हे विरार येथील जीवदानी मातेच्या दर्शनासाठी जात होते. यावेळी त्यांच्या गाडीला टेम्पोने जोरदार धडक दिल्याने हा अपघात झाला. हे सर्व भावीक दर्शनासाठी जात होते. त्यांची जीप ही पालघर येथे जव्हार विक्रमगड मार्गावरील वाळवंटा येथे डॉन बॉस्को स्कूल समोर आली असता एका भरधाव वेगात असलेल्या टेम्पोने त्यांच्या जीपला समोरून जोरदार धडक दिली.

Pune Porsche Accident : कल्याणी नगर अपघात प्रकरणी आलीशान पोर्शे कारची कंपनीच्या तज्ञांनी व पोलिसांनी केली तपासणी

ही धडक ऐवढी जोरदार होती, की या धडकते संपूर्ण जीपचा चक्काचूर झाला आहे. तर टेम्पोचे देखील मोठे नुकसान झाले आहे. या घटनेची माहिती मिळताच स्थानिक नागरिक आणि पोलिसांनी घटनास्थळी धाव घेतली. घटनास्थळाचे दृश्य भयावह होते. या अपघातामुळे या मार्गावर मोठी वाहतूक कोंडी झाली होती. पोलिसांनी स्थानिक नागरिकांच्या मदतीने रुग्णवाहिका बोलवत जखमी आणि मृत नागरिकांना जव्हार येथील रुग्णालयात दाखल केले.

जीप मधील सर्व प्रवासी हे नाशिक मधील दिंडोरी आंबेगण येथील असल्याची माहिती आहे. हे सर्व जण विरारच्या जीवदानी मातेच्या दर्शनासाठी जात होते. मात्र, वाटेतच त्यांच्यावर काळाने घाला घातला.

पोलिसांनी या मार्गावरील अपघातग्रस्त वाहने ही बाजूला करून वाहतूक सुरुळीत केली. या मार्गावर मोठी वाहतूक कोंडी झाली होती. ती सोडवण्यासाठी मोठा कालावधी लागला.

टी-२० वर्ल्डकप २०२४