Palghar : पैशांसमोर रक्ताचं नातं विसरला, वहिनीसह अडीच वर्षाच्या पुतणीलाही संपवलं; पालघर येथील घटना!

मिळालेल्या माहितीनुसार, सुश्मिता प्रवीण डावरे (वय २८) असे मृत महिलेचे नाव आहे. सुश्मिता डावरे ही आपल्या अडीच वर्षाच्या मुलीसोबत गावाबाहेर असलेल्या शेतघरात राहत होती. तर, तिचा पती प्रवीण डावरे हा एका मच्छीमार बोटीवर बाहेरगावी कामाला असल्याची माहिती स्थानिकांनी दिली. सुश्मिता आणि त्यांच्या अडीच वर्षाच्या मुलीचा मृतदेह आढळून आल्यानंतर संपूर्ण गावात एकच खळबळ माजली. याप्रकरणी पोलिसांनी अज्ञात व्यक्तीविरोधात गुन्हा दाखल करून पुढील तपास सुरू केला. तपासादरम्यान पोलिसांना सुश्मिता यांचा दीर संदीप डावरे याच्यावर संशय आला. यानंतर पोलिसांनी त्याला ताब्यात घेऊन चौकशी केली. सुरुवातीला त्याने उडवाउडवीची उत्तरे दिली. मात्र, पोलिसांनी खाक्या दाखवताच त्याने मालमत्तेच्या वादातून वहिनी सुश्मिता आणि पुतणीची हत्या केल्याची कबूली दिली.

हसतं खेळतं कुटुंब संपलं! पुण्यात मुलाच्या आत्महत्येनंतर ८ दिवसात आई-वडिलांनीही घेतला जगाचा निरोप

याप्रकरणी पोलिसांनी आरोपी संदीप डावरे याच्याविरोधात भारतीय न्याय संहितेच्या कलम १०३ (१) (खून) आणि २३८ (पुरावे नष्ट करणे) अंतर्गत एफआयआर दाखल करण्यात आला. पैशांसमोर आरोपी रक्ताचे नाते विसरल्याने परिसरातील लोकांना धक्का बसला आहे. याप्रकरणी पोलीस अधिक तपास करीत आहेत.

जन्मदात्या आईची गळा आवळून हत्या, मुलाला अटक

गुजरातमधल्या राजकोटमध्ये जन्मदात्या आईची गळा आवळून हत्या केल्याप्रकरणी पोलिसांनी एकाला अटक केली आहे. आईची हत्या केल्यानंतर आरोपी इन्स्टाग्रामवर आईसह स्वत:चा फोटो शेअर करत तिची माफी मागितली आहे. 'मला माफ कर आई, मी तुझी हत्या केली. तुझी नेहमीच आठवण येईल. ओम शांती' अशा आशयाची त्याने पोस्ट केली होती. ज्योतिबेन गोसांई (वय, ४८) असे हत्या झालेल्या महिलेचे नाव आहे. ज्योतिबेन आणि त्यांचा आरोपी मुलगा यांच्यात गेल्या काही दिवसांपासून सतत वाद होत असे. या वादाला कंटाळून आरोपीने आई झोपेत असताना तिचा गळा आवळून हत्या केली.