मालवणमधील पुतळा ३५ फुटांचा असणार हे सांगितलेच नाही; ६ फुटांचीच परवानगी होती, अधिकाऱ्याचा गौप्यस्फोट

शिवाजी महाराजांच्या पुतळ्याच्या उंचीबद्दल अधिकाऱ्यांनी वेगळीच माहिती दिल्याने खळबळ उडाली आहे. एका वृत्तवाहिनीशी बोलताना कला संचालनालयाचे संचालक राजीव मिश्रा यांनी म्हटले की, मालवणमधील ३५ फुटांच्या पुतळ्याला परवानगी दिली गेलीच नव्हती. तेथे ६ फुटांच्या पुतळ्यालाच परवानगी दिली गेली होती.

जयदीप आपटेनं पुतळा बनवताना शिवरायांच्या भुवईजवळ व्रण का दाखवला? अमोल मिटकरी यांना छुप्या अजेंड्याचा संशय

मिश्रा यांनी पुढं सांगितलं की, पुतळा उभारण्याच्या प्रकरणात क्ले मॉडेलला मान्यता घेतली होती. राज्याच्या कला संचालनालयाने नौदलाला ही मान्यता देण्यात आली. जेव्हा ही मान्यता दिली गेली, तेव्हा आम्हाला हे सांगितले नव्हते की, हा पुतळा ३५ फुटाचा असणार आहे आणि या पुतळ्यासाठी स्टेनलेस स्टील वापरले जाणार आहे.

नारायण राणे यांचे पत्रकाराशी गैरवर्तन; बूम हिसकावून घेण्याच्या प्रयत्न, प्रेस क्लबकडून निषेध

आमच्याकडे केवळ ६ फुटांचा पुतळा उभारण्याची परवानगी मागितली होती. पुतळा उभारताना आम्हाला माहिती दिली नाही, त्यामुळे आम्हाला विचारता आले नाही. त्यांना विचारता येत नाही, तशी तरतूद नाही. या पुतळ्याबद्दल आम्हाला काहीही माहिती नव्हती. त्यामुळे आम्हाला काही करता आले नाही. पुतळा उभारताना त्यांनी त्यांच्या स्तरावर निर्णय घेतले, आम्हाला त्याबाबत कळवले नाही, असं राजीव मिश्रा यांनी सांगितले.

त्या आपटेला आपटावासा वाटतोय; शिवपुतळा प्रकरणावर जितेंद्र आव्हाड यांचा संताप

आता पुतळा कोसळल्याची जबाबदारी कोणाची या प्रश्नावर राजीव मिश्रा म्हणाले की, जेव्हा शिल्पकाराकडे पुतळा उभारण्याचे काम दिले तेव्हा ज्या एजन्सीने त्यांना उंची आणि मटेरियल ठरवण्याचा निर्णय दिला. त्या एजन्सीला सांगायला हवे होते की, ३५ फुटांचा पुतळा उभारण्यासाठी मला तांत्रिक मदत लागेल. तांत्रिक मदत म्हणजे स्ट्रक्चरल इंजिनिअरींग, अशी भूमिका मिश्रा यांनी सांगितले.