Sharad Pawar : कांदा निर्यात बंदीचा निर्णय शेतकऱ्यांचे संसार उद्ध्वस्त करणारा; शरद पवारांचे नाशकात आंदोलन

“देशाच्या अर्थव्यवस्थेत नाशिक जिल्ह्यातील शेतकऱ्यांची नोंद आहे. केंद्र सरकारला शेतकऱ्यांबद्दल आस्था राहिलेली नाही. शेतकरी हवालदिल झाले आहेत. सरकारने कांदा निर्यातबंदी उठवलीच पाहिजे, अशी मागणी शरद पवार यांनी केली. शेतकऱ्याला दोन पैसे मिळायला सुरुवात झाली की, केंद्र सरकार लगेच निर्णय घेते. आधी कांदा निर्यातीवरील शुल्क वाढवले. आता त्यांनी थेट निर्यातीवर बंदीच घातली. हा निर्णय शेतकऱ्यांचे संसार उद्ध्वस्त करणारा आहे. यामुळे केंद्र सरकारने कांद्यावरील निर्यातबंदी उठवली पाहिजे”, असे शरद पवार म्हणाले.

“यूपीए सरकारच्या काळात मी कृषिमंत्री असताना कांद्याचे भाव वाढले. त्यावेळी विरोधी पक्षातील नेत्यांनी आंदोलने केली. अनेक भाजप खासदारांनी कांद्याच्या माळ्या गळ्यात घालून निदर्शने केली. त्यावेळी मी त्यांना ठणकावून सांगितलं परवडत नसेल तर कांदा खाऊ नका, पण निर्यातबंदी करणार नाही, अशी ठाम भूमिका घेतली”, अशीही शरद पवारांनी केंद्र सरकारला आठवण करुन दिली.

Love Jihad Committee : महाराष्ट्र सरकारने स्थापन केलेली लव्ह जिहाद समिती रद्द करा; समाजवादी पक्षाची मागणी

या आंदोलनात कळवण, सटाणा, मालेगाव, देवळा, नांदगाव आणि चांदवड तालुक्यातील शेतकरी बांधव, पदाधिकारी आणि सामाजिक कार्यकर्त्यांनी मोठ्या संख्येने उपस्थित दर्शवली. संपूर्ण महाराष्ट्रात अवकाळी पाऊस आणि गारपीट झाली, ज्यामुळे अनेक भागातील शेती उद्धवस्त झाली. कांद्याचे सुद्धा मोठ्या प्रमाणात नुकसान झाले आहे. मात्र, केंद्र सरकार बळीराजाच्या जखमेवर मीठ चोळण्याचे काम करीत आहे, अशीही खंत आंदोलनकर्त्यांनी व्यक्त केली.