Rupali Patil Thombare : 'फडणवीसांचे वडील आणि काकू पण...', रुपाली पाटलांनी थेट यादीच केली शेअर

Rupali Patil Thombare On Devendra Fadnavis : स्वातंत्र्यदिनाच्या निमित्तानं पंतप्रधान नरेंद्र मोदी यांनी देशाला संबोधित करताना घराणेशाहीवर सडकून टीका केली होती. याशिवाय घराणेशाही संपवण्यासाठी देशवासियांनी मदत करावी असं आवाहनही त्यांनी केलं होतं, त्यानंतर आता याच मुद्द्यावरून आता राष्ट्रवादीच्या नेत्या रुपाली पाटील यांनी भाजप आणि उपमुख्यमंत्री देवेंद्र फडणवीसांना लक्ष्य केलं आहे.

पंतप्रधान नरेंद्र मोदी यांनी घराणेशाहीविरोधात घेतलेल्या भूमिकेवरून आता राज्याचे उपमुख्यमंत्री देवेंद्र फडणवीस राजीनामा देणार का?, असा सवाल राष्ट्रवादीच्या नेत्या रुपाली पाटील यांनी विचारला आहे.

कारण देवेंद्र फडणवीसांचे वडिल गंगाधरराव फडणवीस हे आमदार होते, त्यांच्या काकू शोभाताई फडणवीस या माजी मंत्री होत्या, त्यामुळं आता फडणवीस हे राजकीय पार्श्वभूमितून आलेले असलल्यानं त्यांनी पंतप्रधान मोदींच्या आवाहनाला मान देत राजीनामा देतील का?, असा खोचक सवाल फडणवीसांना केला आहे. याबाबत त्यांनी त्यांच्या ट्विटवरवर फडणवीस घराण्याची यादीच शेयर केली आहे.

दरम्यान पंतप्रधान नरेंद्र मोदी यांनी देशाच्या राजकारणात असलेल्या घराणेशाहीच्या मुद्द्यावरून केलेल्या वक्तव्यानंतर त्याला राष्ट्रवादीचे नेते आणि विरोधी पक्षनेते अजित पवारांनी उत्तर दिलं होतं. त्यानंतर आता रुपाली पाटलांनी उपमुख्यमंत्र्यांवर जोरदार निशाणा साधला आहे.