Sanjay Raut : ‘पिंक सरडा’ टीकेवर अजित पवार गटाचा संजय राऊतांवर पलटवार; "हा तर दुतोंडी साप..."

राऊतांच्या टिकेवर आमदार अमोल मिटकरी म्हणाले की, ज्या व्यक्तीचा नरडाच सकाळपासून दुसऱ्यावर तोंडसुख घ्यायला वळवळत असेल तर त्याच्या नरड्यातून सरडा शब्द आला असेल तर त्यात गैर वाटण्याचं कारण नाही. अजित पवारांबद्दल त्यांनी जे वक्तव्य केले असेल तर त्यांचा बंदोबस्त राष्ट्रवादीला करता येतो. दुतोंडी सापाने दुसऱ्याकडे तोंड दाखवण्यापेक्षा स्वत:च्या तोंडाकडे पाहावे, असा टोलाही त्यांनी लगावला आहे.

Ajit Pawar Rally : 'अजितदादा आपल्या राष्ट्रवादीत परत या', भरसभेत कार्यकर्त्याचे अजित पवारांना साकडे, पाहा VIDEO

मिटकरी म्हणाले की, ज्यांनी ठाकरे कुटुंब फोडले. पवार कुटुंब फोडले त्यांनी सुप्रिया सुळे आणि अजित पवारांच्या भावा बहिणीच्या नात्यावरबोलू नये. राऊतांसारखा घरभेदी एकदिवस उद्धव ठाकरेंची शिवसेना नक्की संपवणार. गुलाबी रंगाबाबत बोलायचे तर अनेक जोतिबावर गुलालाची उधळण होते. संजय राऊत निवडून आले तेव्हाही गुलालच उधळला असेल. हिंदू धर्मात गुलाब, गुलाल आणि गुलाबी रंग फार पवित्र मानले जातात. त्यामुळे हिंदू म्हणून ऊर बडवायचा आणि दुसरीकडे हिंदू देवीदेवतांची टिंगळ करायची हे योग्य नाही. मात्र जर आम्ही बोलायला लागू तेव्हा गुलाबी रंग आणि लाल रंग कसा असतो हे दाखवून देऊ, असा इशाराही मिटकरींनी दिला.

काय म्हणाले संजय राऊत -

महाविकास आघाडीच्या मेळाव्यात बोलताना संजय राऊत म्हणाले की, सुप्रिया सुळे ही महाराष्ट्राची लाडकी बहीण आहे. पण त्यांच्या लाडक्या भावांनी रंग बदलला असून आता ते पिंक झाले आहेत. पण रंग तरसरडा बदलतो. अचानक ते गुलाबी झाले आहेत. आता हा पिंक सरडा बारामती सोडणार आहे म्हणे. पण,तिथून कुठे जाणार हे नक्की माहिती नाही. पण गुलाबी रंग हा महाराष्ट्रासाठी नाही. आपला रंग भगवाच आहे. तेलंगाणाचे माजी मुख्यमंत्रीकेसीआर यांचा रंगही पिंक होता त्यांना सुद्धा आम्ही बोललो पिंक नही चलेंगा... एक तर भगवा चालेल नाहीतर तिरंगा चालेल. बाळासाहेब नेहमीच म्हणायचे भगवाचं तिरंग्याला वाचवेल.