Navi Mumbai: पोदार इंटरनॅशनल स्कूलच्या पाचव्या मजल्यावरून उडी घेत नववीच्या विद्यार्थ्याची आत्महत्या
Podar International School Suicide News: पोदार इंटरनॅशनल स्कूलमध्ये इयत्ता नववीत शिकणाऱ्या विद्यार्थ्याने शाळेच्या पाचव्या मजल्यावरून उडी घेऊन आत्महत्या केली.
Navi Mumbai Suicide News: पोदार इंटरनॅशनल स्कूलमधील नववीच्या आयसीएसई बोर्डाच्या विद्यार्थ्याने शुक्रवारी सकाळी शाळेच्या पाचव्या मजल्यावरून उडी मारली. सकाळी असेंब्ली सुरू असताना ही घटना घडल्याचे वृत्त आहे. या घटनेनंतर शाळा प्रशासनामध्ये खळबळ माजली. ही संपूर्ण घटना सीसीटीव्ही कॅमेऱ्यात कैद झाली असून याप्रकरणी स्थानिक पोलीस अधिक तपास करीत आहेत.
मिळालेल्या माहितीनुसार, नवी मुंबईतील नेरुळच्या सेक्टर ३६ मध्ये असलेल्या शाळेच्या कॅन्टीनमधून मुलाने उडी मारून आत्महत्या केली. स्थानिक पोलिसांनी तात्काळ घटनास्थळी धाव घेतली आणि या प्रकरणाचा तपास सुरू केला. शाळेच्या सीसीटीव्ही फुटेजमध्ये मुलगा भिंतीवर चढताना आणि नंतर पाचव्या मजल्यावरून उडी मारताना दिसत आहे. त्याचा मृतदेह पोस्टमॉर्टमसाठी पाठवण्यात आला आहे आणि या प्रकरणाचा तपास सुरू आहे.
Ashwjeet Jagtap
संबंधित बातम्या
महाराष्ट्रातील बातम्या, प्रत्येक घडामोडीची ब्रेकिंग न्यूज मिळवा हिंदुस्तान टाइम्स मराठीवर