Nanded Mukhed News : नांदेडच्या मुखेड जिल्ह्यात एक धक्कादायक घटना घडली आहे. मासे पकडण्यासाठी तलावावर गेलेल्या दोघांचा जाळ्यात पाय अडकल्याने बुडून मृत्यू झाला आहे. यातील एकाचा मृतदेह सापडला आहे. तर दूसरा तरुण बेपत्ता झाला आहे. ही घटना रविवारी रात्री घडली.
संतोष हणमंतराव मामीलवाड (वय २७), अजित विश्वाबंर सोनकांबळे (वय २३) अशी बुडालेल्या दोघांची नावे आहेत. यातील संतोषचा मृतदेह सापडला असून अजित याचा रेस्क्यू टीमकडून शोध घेतला जात आहे. पोलिसांनी दिलेल्या माहितीनुसार हे दोघे मासे पकडण्यासाठी गेले होते. यावेळी तलावात जाळे टाकण्यासाठी ते पाण्यात उतरले. मात्र, त्यांना पाण्याचा अंदाज आला नाही. यात त्यांचे पाय जाळ्यात अडकल्याने त्यांना बाहेर येता आले नाही.
नांदेड जिल्ह्यातील मुखेड येथे राहणारे अजित विश्वाबंर सोनकांबळे व गडग्याळवाडी येथील रहिवासी संतोष हणमंतराव मामीलवाड हे दोघे शनिवारी रात्री मासे पकडण्यासाठी गडग्याळवाडी येथील तलावा जवळ गेले होते. यावेळी त्यांनी तलावात जाळे टाकण्यासाठी सोबत आणले होते. हे जाळे पाण्यात टाकण्यासाठी दोघेही पाण्यात उतरले. मात्र, मासे पकडत असताना त्यांना पाण्याचा अंदाज आला नाही. दरम्यान, याच वेळी एकाचा पाय हा जाळ्यात अडकला. यामुळे त्याचा पाण्यात बुडून मृत्यू झाला तर अजित हा बेपत्ता आहे.
बराच वेळ झाला तरी हे दोघे तरुण घरी परत आले नाही. यामुळे त्यांच्या नेतेवाईकांनी त्यांचा शोध घेतला. ते तलावाजवळ आले असता, त्यांना दोघांचे कपडे मोबाइल आणि चपला दिसल्या. यामुळे ते पाण्यात बुडाले असल्याची शंका निर्माण झाल्याने त्यांनी याची माहिती पोलिसांना दिली. तहसीलदार राजेश जाधव, पोलिस निरीक्षक लक्ष्मण केंद्रे, पोलिस कर्मचारी व्यंकट जाधव, रुकेश हासुळे आदींनी घटनास्थळी येत परिसराची पाहणी केली. तर शोध पथकाने देखील पाण्यात त्यांचा शोध घेण्यास सूरवत केली. यावेळी संतोषचा मृददेह जाळ्यात अडकलेला आढळला. तर अजित याचा शोध घेतला जात आहे. संतोषचा मृतदेह शवच्छेदनासाठी उपजिल्हा रुग्णालयात पाठवण्यात आला आहे. अजित सोनकांबळे याचा शोध घेतला जात आहे. रविवारी रात्री शोध मोहीम थांबवण्यात आली असून आज सोमवारी पुन्हा शोध मोहीम सुरू केली जाणार आहे. दोघांच्या मृत्यूमुळे गावावार शोककळा पसरली आहे.
संबंधित बातम्या