मराठी बातम्या  /  महाराष्ट्र  /  Nagpur: ब्रेकअप झाल्यानं प्रियकर संतापला, प्रेयसी काम करत असलेले दुकानच पेटवून दिलं; नागपूर येथील घटना

Nagpur: ब्रेकअप झाल्यानं प्रियकर संतापला, प्रेयसी काम करत असलेले दुकानच पेटवून दिलं; नागपूर येथील घटना

Ashwjeet Rajendra Jagtap HT Marathi
May 08, 2024 06:47 PM IST

Nagpur shop Fire News: प्रेयसी बोलत नसल्याच्या रागातून तरुणाने ती काम करत असलेले दुकान पेटवून दिले.

प्रेयसीशी झालेल्या वादातून एका तरुणाने परिसरातील दुकान पेटवून दिले.
प्रेयसीशी झालेल्या वादातून एका तरुणाने परिसरातील दुकान पेटवून दिले.

Nagpur News: नागपुरातील बोहरा मशीद गल्ली (Bohra Masjid Gali) परिसरातून धक्कादायक प्रकार उघडकीस आला. प्रेयसीने (Girl Friend) ब्रेकअप केल्याचा राग डोक्यात ठेऊन तिला धडा शिकवण्यासाठी प्रियकराने (Boy Friend) ती काम करत असलेले दुकानाच पेटवून दिले. याप्रकरणी पोलिसांनी आरोपीला अटक केली असून पुढील कारवाईला सुरुवात केली आहे. मात्र, या आगीत दुकानातील सर्व सामना जळून खाक झाले आहे.

ट्रेंडिंग न्यूज

Pune warje firing : बारामतीमध्ये मतदान संपताच पुण्यातील वारजे माळवाडीत गोळीबार; दुचाकीवरून आलेल्या तिघांनी केले फायरिंग

मिळालेल्या माहितीनुसार, प्रशांत रमेश चट्टे (वय, १९) असे अटक करण्यात आलेल्या आरोपीचे नाव आहे. बोहरा मशीद गल्ली परिसरात रितेश सुदामा मकीजा यांचे स्टेशनरीचे दुकान आहे. या दुकानात प्रशांतची प्रेयसी नोकरी करायची. मात्र, काही दिवसांपूर्वी त्यांचा ब्रेकअप झाला होता. यामुळे संतापलेल्या प्रशांतने तिला धडा शिकवण्याचा निर्णय घेतला. यासाठी त्याने ती नोकरी करत असलेल्या दुकानाला आग लावली. 

Mumbai: मुंबईत निवडणूक ड्युटीवर तैनात पोलीस हवालदाराचा हृदयविकाराच्या झटक्याने मृत्यू

यानंतर एका व्यक्तीने १ मे रोजी सकाळी रितेशला फोनद्वारे त्याच्या दुकानातून धूर निघत असल्याची माहिती दिली. यानंतर रितेशने ताबडतोब दुकान गाठले आणि याबाबतची माहिती अग्निशमन दलाला दिली. अग्निशमन दलाच्या जवानांनी तातडीने दुकानाकडे धाव घेत आग आटोक्यात आणली. मात्र, तोपर्यंत या आगीत सात लाख रुपयांचे साहित्य जळून खाक झाले, असे सांगण्यात येत आहे.

boy died in leopard attack : मामाच्या गावी आलेल्या ८ वर्षीय मुलासोबत अघटित घडलं! बिबट्याच्या हल्ल्यात मृत्यू

या घटनेमागील सत्य जाणून घेण्यासाठी पोलिसांनी दुकानाच्या परिसरातील सीसीटीव्ही फुटेज तपासले. त्यावेळी पहाटे चार वाजताच्या सुमारास अंगावर पांघरलेला एक व्यक्ती दुकानाच्या शटरखाली आग लावताना दिसली. याप्रकरणी पोलिसांनी दुकानातील कर्मचारी आणि परिसरातील लोकांची विचारपूस केली. 

Palghar Crime: आधी सोशल मीडियावरून केली मैत्री, नंतर भेटायला बोलावून केले कांड! अल्पवयीन मुलीवर सामूहिक बलात्कार

त्यावेळी तरुणीने दुकान पेटवून देणारी व्यक्ती प्रशांत असल्याचे सांगितले. या तरुणीची प्रशांतसोबत मैत्री होती. मात्र, तो तरुणीवर संशय घेत असल्याने तिने त्याच्याशी संपर्क तोडला. मात्र, यामुळे प्रशांतच्या तळपायाची आग मस्तकात गेली. त्याने तरुणीचे नोकरी घालवण्याचा कट रचला आणि ती काम करत असलेले दुकान पेटवून दिले.

IPL_Entry_Point

विभाग