washim murder : वाशिम हादरलं! शेतात काम करणाऱ्या महिलेची हत्या; बलात्काराचा संशय
washim murder : वाशिम जिल्ह्यात एका डोंगरावर महिलेचा मृतदेह सापडला आहे. या महिलेच्या अंगावर तीव्र जखमा आहेत. या घटनेमुळे खळबळ उडाली आहे.
washim murder : वाशिम जिल्ह्यात मालेगाव येथे एक धक्कादायक घटना उघडकीस आली आहे. शेतात काम करत असलेल्या एका महिलेची तीक्ष्ण हत्याराने वार करून हत्या करण्यात आली आहे. दरम्यान, या महिलेवर बलात्कार झाल्याची शक्यता आहे. या प्रकरणी पोलिसांनी दोघांना ताब्यात घेतलं असून त्यांची चौकशी सुरू आहे. या घटनेमुळे परिसरात खळबळ उडाली आहे.
ही महिला तिच्या माहेरी राहणारी आली होती. ती दोन दिवसांपूर्वी शेतात काही कामासाठी गेली होती. मात्र, रात्र झाली तरी ही ही महिला घरी परतली नव्हती. घरच्यांनी तिचा शोध घेतला. मात्र, ती सापडली नाही. त्यांनी या प्रकरणी पोलिस ठाण्यात जात महिला बेपत्ता असल्याची तक्रार दिली. पोलिसांनी देखील या महिलेचा शोध घेण्यास सुरुवात केली. दोन दिवसांनी शनिवारी तिचा मृतदेह गावाशेजारील जंगलामध्ये एका टेकडीवर आढळला.
महिलेवर अनेक वार
या महिलेच्या शरीरावर तीक्ष्ण हत्याराने वार करण्यात आले होते. तिच्या शरिवावर जखमा देखील होत्या. तसेच तिचे कपडे विवस्त्र होते. त्यामुळे या महिलेवर बलात्कार करण्यात आला असल्याची शक्यता वर्तवण्यात येत आहे. पोलिसांनी या महिलेचा मृतदेह ताब्यात घेतला असून तो शवविच्छेदनासाठी पाठवण्यात आला आहे.
गुन्हा दाखल
दरम्यान या प्रकरणी पोलिसांनी गुन्हा दाखल केला आहे. मृत महिलेच्या भावानं पोलीस ठाण्यात तक्रार दिली आहे. महिलेवर बलात्कार करून नंतर हत्या करण्यात आली असवई असा अंदाज वर्तवण्यात आला आहे. पुढील तपास पोलिस करत आहेत.
संबंधित बातम्या