Mumbai News: मुंबईत आई-मुलीच्या नात्याला काळिमा फासणारी घटना घडली. निर्मलनगर भागात मित्रासह पोटच्या अल्पवयीन मुलीवर लैंगिक अत्याचार करण्यात आला. याप्रकरणी निर्मल नगर पोलिसांनी पीडिताच्या आईला अटक करण्यात आली असून तिच्या मित्राला लवकरच बेड्या ठोकल्या जातील, असे अश्वासन पोलिसांनी दिले. मात्र, या घटनेने परिसरात एकच खळबळ माजली आहे.
मिळालेल्या माहितीनुसार, अटक करण्यात आलेल्या महिलेवर तिच्या १५ वर्षीय मुलीवर लैंगिक अत्याचार करण्यास मदत केल्याचा आरोप आहे. पोलिसांनी दिलेल्या माहितीनुसार, महिलेच्या मित्राने २०२२ ते २०२५ या कालावधीत अल्पवयीन मुलीवर अनेकदा बलात्कार केला. अल्पवयीन मुलीने पोलिसांना दिलेल्या तक्रारीत म्हटले आहे की, डिसेंबर २०२४ ते ८ जानेवारी २०२५ या कालावधीत तिच्या आईने मित्रासोबत व्हिडिओ कॉलवर बोलताना अनेकवेळा तिला कपडे काढण्यास भाग पाडले आणि याबद्दल कोणालाही सांगू नका अशी धमकी दिली.
पोलिसांनी दिलेल्या माहितीनुसार, पीडित मुलीच्या आई-वडिलांचा घटस्फोट झाला आहे. पीडिता आपल्या आईसोबत राहते. पीडितेची वैद्यकीय तपासणी केली असता तिला वारंवार लैंगिक छळ केल्यामुळे संसर्ग झाल्याचे डॉक्टरांना आढळले. त्यानुसार पोलिसांनी गुन्हा दाखल केला आहे. निर्मल नगर पोलिस ठाण्याचे वरिष्ठ निरीक्षक रमेश वाघ यांनी सांगितले की, आरोपी आईला अटक करण्यात आली असून अल्पवयीन मुलीवर बलात्कार करणाऱ्या महिलेच्या मित्राचा शोध सुरू आहे. त्यालाही लवकरच अटक करण्यात येणार आहे.
पोलिसांनी आरोपी आई आणि तिच्या मैत्रिणीविरोधात भारतीय न्यायिक संहिता (बीएनएस) आणि पॉक्सो कायद्याच्या विविध कलमान्वये गुन्हा दाखल केला आहे. या कलमांमध्ये बलात्कार, विनयभंग, धमकावणे आणि बाल लैंगिक शोषणाशी संबंधित आरोपांचा समावेश आहे. याप्रकरणी पोलीस अधिक तपास करीत आहेत.
संबंधित बातम्या