Viral Video: मुंबईतील जुहू येथे महिलेला पाहून तरुणानं काढली पँट, व्हिडिओ व्हायरल

@viyaadoshi या ट्विटर अकाऊंटवरून शेअर करण्यात आलेल्या व्हिडिओमध्ये दिसत आहे की,एक तरुण शॉर्ट्स आणि बनियान घालून फूटपाथवरून धावताना दिसत आहे. तर, महिला त्याला हाक मारताना दिसत आहे. हा व्हिडिओ जुहूच्या जानकी कुटीर भागातील असल्याचा दावा केला जात आहे. या व्हिडिओत संबंधित महिलेसोबत कोणतेही गैरवर्तन करताना दिसले नाही. परंतु, पीडित महिलेने मुंबई पोलिसांना टॅग करत अशी माहिती दिली आहे की, ‘जुहू येथील जानकी नगर येथे एका तरुणाने मला हाक मारली आणि स्वत:ची पँट काढली. हा प्रकार आज सकाळी ८.५५ मिनिटांनी घडला. असे तिसऱ्यांदा माझ्यासोबत झाले. या भागात सुरक्षा वाढवण्याची विनंती करते. कारण याआधीही अनेक महिलांसोबत असाच प्रकार घडल्याचे समजत आहे.मी निर्भया पथकाला फोन करण्याचा प्रयत्न केला पण माझ्या कॉलला प्रतिसाद मिळाला नाही. कृपया मदत करा.’

मुंबई पोलिसांनी संबंधित महिलेने केलेल्या पोस्टची दखल घेतली आणि तिला सविस्तर माहिती देण्याची विनंती केली. लवकरच याप्रकरणातील आरोपी किंवा महिलांसोबत अशाप्रकारचे कृत्य करणाऱ्यांना धडा शिकवतील, अशी अपेक्षा आहे. हा व्हिडिओ सोशल मीडियावर व्हायरल झाल्यानंतर नेटकऱ्यांमध्ये संतापाची लाट उसळली आहे.

Weather Update: मुंबईत पावसाचा जोर वाढला; महाराष्ट्रातील ‘या’ २ जिल्ह्यांना रेड तर ९ जिल्ह्यांना ऑरेंज अलर्ट!

मुंबईहून माथेरानमध्ये फिरायला गेलेल्या मुलीवर बलात्कार

मुंबईहून मित्रांसोबत फिरायला गेलेल्या अल्पवयीन मुलीवर बलात्कार झाल्याची घटना उघडकीस आली. याप्रकरणी पोलिसांनी २२ वर्षीय तरुणाला अटक केली असून इतर दोन जणांचा शोध सुरू आहे. पीडित मुलगी १२ जुलै २०२४ रोजी मित्रांसोबत फिरायला गेली होती. तेव्हाच तिच्यासोबत हा प्रकार घडला. मात्र, पीडित मुलीने हा संपूर्ण प्रकार पालकांपासून लपवून ठेवला. काही दिवसांपूर्वी मुलीवर झालेल्या अत्याचारा व्हिडिओ सोशल मीडियावर व्हायरल झाल्यानंतर संपूर्ण प्रकार उघडकीस आला.