rajnath singh's mumbai visit : संरक्षण मंत्री राजनाथ सिंह यांच्या मुंबई दौरा; वाहतुकीचा मात्र खोळंबा

मुंबई : संरक्षण मंत्री राजनाथ सिंह यांच्या आज मुंबई दौरा आहे. या दौऱ्यात ते अनेक ठिकाणी भेटी देणार आहेत. त्यांच्या सुरक्षेच्या दृष्टिकोनातून पोलिसांनी सुरक्षा यंत्रणा चोख ठेवली आहे. दरम्यान, काही ठिकाणी वाहतूक देखील वळवण्यात आली असल्याने मुंबईत काही भागात त्यांच्या या भेतीमुळे वाहतुकीवर परिणाम होणार असून काही भागातील वाहतूक ही संथ राहणार आहे, याची दक्षता घेण्यात यावी असे ट्विट मुंबई पोलिसांनी केले आहे.

संरक्षण मंत्री राजनाथ सिंह हे आज शुक्रवारी मुंबईत येणार असल्याने शुक्रवारी पश्चिम उपनगरे, मध्य आणि दक्षिण मुंबईतील वाहतूक वाहतुकीवर परिणाम होणार आहे. शुक्रवारी नियोजित व्हीआयपी मुव्हमेंटमुळे सांताक्रूझ, वाकोला, वांद्रे, सी लिंक, हाजी अली, एअर इंडिया बिल्डिंग, रिगल सर्कलच्या आसपास सकाळी ११ ते १२.३० आणि दुपारी २.३० ते ५ वाजेपर्यंत वाहतूक संथ राहणार आहे. नागरिकांनी त्यानुसार त्यांच्या प्रवासाचे नियोजन करावे, असे आवाहन मुंबई पोलिसांनी ट्वीट करत केले आहे.

मुंबईत सकाळच्या वेळेला ऑफिसमध्ये जाणाऱ्यांची गर्दी असते. सांताक्रूझ, वाकोला, वांद्रे, सी लिंक, हाजी अली, एअर इंडिया बिल्डिंग या ठिकाणी अनेक महत्वाची कार्यालये असल्याने येथे चाकरमानी या ठिकणी रोज येत असतात. मात्र, आज संरक्षण मंत्री राजनाथ सिंह यांच्या दौऱ्यामुळे त्यांना त्यांच्या कामाच्या ठिकाणी पोहचण्यास उशीर होण्याची शक्यता असल्याने हे मार्ग टाळून त्यानंई प्रवास करून इच्छितस्थळी पोहचावे असे आवाहन करण्यात आले आहे.