Atal Setu: अटल सेतू ठरतोय सुसाईड पॉईंट; आठ महिन्यात तीन आत्महत्या, एकाला वाचवण्यात यश

दरम्यान, देशातील सर्वात लांब पूल अटल सेतू जानेवारी महिन्यापासून वाहतुकीसाठी खुला करण्यात आला. सुरुवातीला हा पूल प्रवाशांसाठी पर्यटनस्थळ बनले आहे. मात्र, मागील आठ महिन्यात या पुलावरून चार जणांनी समुद्रात उडी घेतली. यातील तिघांचा मृत्यू झाला आहे. तर, टॅक्सी चालक आणि वाहतूक पोलिसांच्या सतर्कतेमुळे एका महिलेला जीव वाचला आहे. धक्कादायक बाब म्हणजे, मृतांमध्ये उच्च शिक्षितांचा समावेश आहे.

Sambhajinagar: आईच्या आत्महत्येची बातमी समजताच मुलीची विहिरीत उडी, संभाजीनगरातील मन सुन्न करणारी घटना!

सर्वात प्रथम एका डॉक्टर महिलेने १८ मार्च २०२४ रोजी समुद्रात उडी घेत आत्महत्या केली होती. त्यानंतर २५ जुलै २०२४ रोजी एका अभियंत्याने आत्महत्या केली. तर, २ सप्टेंबर २०२४ रोजी एका तरुणाने समुद्रात उडी घेतली. काही दिवसांपूर्वीच एका महिलेने अटल सेतूवरून समुद्रात उडी मारून आत्महत्येचा प्रयत्न केला. टॅक्सी चालक आणि न्हावा-शेवा ट्रॅफिक पोलिसांनी मोठ्या साहसाने महिलेचा जीव वाचवला. या घटनेचे सीसीटीव्ही फुटेज सोशल मीडियावर व्हायरल झाले होते.

अटल सेतूबाबत महत्त्वाची माहिती

अटल सेतू पूल २२ किलोमीटरचा आहे, त्यातील १६.८० किलोमीटर रस्ता समुद्रातून आहे. हा भारतातील सर्वाधिक लांबीचा समुद्री पुल असून जगात हा १२ व्या स्थानी आहे. या अटल सेतुवरून कार, टॅक्सी, कमी वजनाची वाहने, मिनी बस, टू एक्सल बस, लहान ट्रकला परवानगी आहे. तर, दुचाकी, ऑटो रिक्षा, टॅक्टर , मोपेड, तीन चाकी टेम्पो, बैलगाडी अथवा घोडागाडी, मुंबईकडे जाणारी मल्टी एक्सल जड वाहने, ट्रक आणि बसला अशा वाहनांना परवानगी नाही. अटल सेतू महामार्गाची रचना ताशी १०० किमी वेगमर्यादेनुसार करण्यात आली. याआधी महामार्गावरून ताशी ८० किमी वेगमर्यादा ठेवण्याचा निर्णय एमएमआरडीएने घेतला होता.