Mumbai Couple Suicide : घरच्यांनी लग्नाला नकार देताच प्रेमीयुगुलांची रेल्वेसमोर उडी, मुलगी अल्पवयीन!
मराठी बातम्या  /  महाराष्ट्र  /  Mumbai Couple Suicide : घरच्यांनी लग्नाला नकार देताच प्रेमीयुगुलांची रेल्वेसमोर उडी, मुलगी अल्पवयीन!

Mumbai Couple Suicide : घरच्यांनी लग्नाला नकार देताच प्रेमीयुगुलांची रेल्वेसमोर उडी, मुलगी अल्पवयीन!

Jan 27, 2025 06:36 PM IST

Mumbai Couple Suicide News: मुंबईतील भांडुप परिसरात राहणाऱ्या प्रेमीयुगालाने धावत्या रेल्वेसमोर उडी मारून आत्महत्या केली.

घरच्यांनी लग्नाला नकार देताच प्रेमीयुगुलाची रेल्वेसमोर उडी
घरच्यांनी लग्नाला नकार देताच प्रेमीयुगुलाची रेल्वेसमोर उडी

Mumbai Couple Suicide on Railway Track: मुंबईतील विक्रोळी परिसरात ही थरकाप उडवणारी घटना घडली आहे. घरच्यांनी लग्नाला नकार दिला म्हणून प्रेमीयुगुलाने धावत्या एक्स्प्रेससमोर उडी मारून आपली जीवनयात्रा संपवली. या घटनेतील मुलगी अल्पवयीन आहे. या घटनेने परिसरात एकच खळबळ उडाली आहे. रविवारी दुपारच्या सुमारास ही घटना घडली.

मिळालेल्या माहितीनुसार, या घटनेतील तरुणाचे वय १९ आहे. तर, मुलगी १५ वर्षांची आहे. तरुण महाराष्ट्रातील आहे. तर, मुलगी परप्रांतीय असल्याची माहिती समोर आली आहे. दोघेही मुंबईतील भांडुप परिसरातील हनुमानगर येथे वास्तव्यास होते. दोघांचे एकमेकांवर प्रेम असून त्यांनी लग्नाचा निर्णय घेतला होता. मात्र, घरच्यांनी त्यांच्या लग्नाला विरोध दर्शवला. यामुळे निराश झालेल्या प्रेमीयुगुलाने एकसोबत आत्महत्यासारखा टोकाचा निर्णय घेतला.

नातेवाईकांची पोलिसांत तक्रार

दरम्यान, रविवारी दुपारी अल्पवयीन मुलगी आपल्या आजीसोबत घरातून बाहेर पडली. परंतु, ती अचानक गायब झाली. उशीर झाला तरी मुलगी घरी न परतल्याने तिच्या नातेवाईकांनी भांडुप पोलिसांशी संपर्क साधला आणि ती बेपत्ता झाल्याची तक्रार नोंदवली.

प्रेमीयुगुलाची रेल्वेसमोर उडी

मुलीचा शोध घेत असताना पोलिसांना विक्रोळीत एका प्रेमीयुगुलाने एक्स्प्रेससमोर उडी घेऊन आत्महत्या केल्याची त्यांना माहिती मिळाली. पोलिसांनी अधिक चौकशी केली असता आत्महत्या केलेली मुलगी आणि बेपत्ता मुलगी यांची शरीर रचना एकसारखीच असल्याचे पोलिसांच्या लक्षात आले. पोलिसांनी ओळख पटण्यासाठी बेपत्ता असलेल्या मुलीच्या नातेवाईकांना बोलावून घेतले. त्यावेळी ही मुलगी आपलीच असल्याचे नातेवाईकांनी कबुली दिली.

पोलीस तपास सुरू

याप्रकरणी पोलिसांनी मृत मुलीच्या नातेवाईकांची चौकशी केली असता तिचे मृत तरुणासोबत प्रेमसंबंध असल्याचे त्यांनी सांगितले. परंतु, नातेवाईकांचा त्यांच्या लग्नाला विरोध होता, अशीही माहिती समोर आली. या प्रकरणात प्रांतवाद किंवा जातीवादाचा काही संबंध आहे का याचा तपास पोलीस करत आहेत. तसेच आत्महत्या करण्यापूर्वी प्रेमीयुगुलाने सुसाइड नोट लिहिली आहे का? याचाही शोध घेत आहेत. या घटनेने भांडुपमध्ये एकच खळबळ उडाली आहे.

Whats_app_banner

संबंधित बातम्या

महाराष्ट्रातील बातम्या, प्रत्येक घडामोडीची ब्रेकिंग न्यूज मिळवा हिंदुस्तान टाइम्स मराठीवर