मराठी बातम्या  /  महाराष्ट्र  /  Mumbai Rain: मुसळधार पावसामुळे लोकल सेवेवर परिणाम; बदलापूर, कल्याण आणि वाशीकरांसाठी महत्त्वाची सूचना

Mumbai Rain: मुसळधार पावसामुळे लोकल सेवेवर परिणाम; बदलापूर, कल्याण आणि वाशीकरांसाठी महत्त्वाची सूचना

Jul 08, 2024 11:24 AM IST

Mumbai Local Train: मुंबईत सोमवारी मध्यरात्री ०१.०० ते सकाळी ०७.०० या सहा तासांत ३०० मिलिमीटरपेक्षा जास्त पावसाची नोंद झाली आहे. परिणामी, मुंबई लोकल सेवा विस्कळीत झाल्याचे पाहायला मिळत आहे.

मुंबईत सोमवारी मध्यरात्रीपासून धो-धो पाऊस, प्रवाशांचे हाल
मुंबईत सोमवारी मध्यरात्रीपासून धो-धो पाऊस, प्रवाशांचे हाल (HT)

Mumbai Rain Updates: मुंबई आणि उपनगरांमध्ये रात्रभर झालेल्या मुसळधार पावसामुळे अनेक भागांत पाणी साचले, ज्याचा परिणाम बेस्ट बस आणि लोकल सेवेवर झाल्याचे पाहायला मिळत आहे. मध्य रेल्वेच्या उपनगरीय रेल्वे सेवा संथ गतीने धावत आहेत. याच पार्श्वभूमीवर मध्ये रेल्वेने बदलापूर, कल्याण आणि वाशी परिसरातील नागरिकांसाठी महत्त्वाची सूचना जारी केली आहे.

मुसळधार पावसामुळे मध्य रेल्वेवरील लांब पल्ल्याच्या ट्रेन रखडल्या आहेत. वाशी येथून छत्रपती शिवाजी महाराज टर्मिनसकडे जाणाऱ्या लोकल बंद आहेत. सीएसएमटी येथून ठाण्यापर्यंतच लोकल चालवल्या जात आहेत. रेल्वे रुळावर पाणी साचल्याने ठाण्यापुढील लोकल सेवा (अप आणि डाऊन) बंद पडल्या आहेत. ठाणे, कुर्ला, दादर रेल्वे स्थानकावर प्रवाशांची प्रचंड गर्दी आहे. याचपार्श्वभूमीवर बदलापूर, कल्याण आणि वाशी परिसरातील नागरिकांनी माहिती घेऊनच घराबाहेर पडावे, असे आवाहन मध्य रेल्वेकडून करण्यात येत आहे.

ट्रेंडिंग न्यूज

सोमवारी मध्यरात्री एक ते सकाळी सात या सहा तासांत मुंबईत विविध ठिकाणी ३०० मिलिमीटरपेक्षा जास्त पावसाची नोंद झाल्याची माहिती बृहन्मुंबई महानगरपालिकेने दिली आहे. सोमवारीही मुसळधार पावसाची शक्यता असल्याचे महापालिकेने म्हटले आहे. विद्यार्थ्यांची गैरसोय होऊ नये म्हणून मुंबईमधील सर्व बीएमसी, शासकीय व खासगी शाळा व महाविद्यालयांना पहिल्या सत्राची सुट्टी जाहीर करण्यात आली. परिस्थितीचा आढावा घेऊन पुढील निर्णय जाहीर केला जाईल, असे महापालिकेने स्पष्ट केले.

पावसामुळे रद्द झालेल्या गाड्यांची यादी

१) १२११० (एमएमआर-सीएसएमटी)

२) ११०१० (पुणे-सीएसएमटी)

३) १२१२४ (पुणे सीएसएमटी डेक्कन)

४) ११००७ (पुणे-सीएसएमटी डेक्कन)

५) १२१२७ (सीएसएमटी-पुणे इंटरसिटी एक्स्प्रेस)

बेस्ट बसच्या मार्गात बदल

पावसाचे पाणी ओसरल्यानंतर मध्य मार्गावरील सायन आणि भांडुप स्थानकांवरील रेल्वे सेवा मात्र पुन्हा सुरू करण्यात आली.मुंबईत पावसामुळे पाणी साचल्याने बेस्टच्या अनेक बसेस नियमित मार्गावरून वळविण्यात आल्या आहेत. मुंबईत पावसामुळे किंग्ज सर्कल येथे पादचारी आणि वाहने मोठ्या प्रमाणात पाणी साचलेले रस्ते ओलांडताना दिसत आहेत. मुंबईत काल रात्रीपासून सुरू असलेल्या मुसळधार पावसामुळे पश्चिम द्रुतगती महामार्गावर विलेपार्लेजवळ वाहतूक कोंडी निर्माण झाली आहे.

WhatsApp channel
विभाग
महाराष्ट्रातील बातम्या, प्रत्येक घडामोडीची ब्रेकिंग न्यूज मिळवा हिंदुस्तान टाइम्स मराठीवर