मुंबई-पुणे एक्सप्रेसवेने प्रवास करणाऱ्यांसाठी महत्वाची बातमी! पुढील तीन दिवस 'या' वेळेत महामार्ग राहणार बंद
मराठी बातम्या  /  महाराष्ट्र  /  मुंबई-पुणे एक्सप्रेसवेने प्रवास करणाऱ्यांसाठी महत्वाची बातमी! पुढील तीन दिवस 'या' वेळेत महामार्ग राहणार बंद

मुंबई-पुणे एक्सप्रेसवेने प्रवास करणाऱ्यांसाठी महत्वाची बातमी! पुढील तीन दिवस 'या' वेळेत महामार्ग राहणार बंद

Jan 21, 2025 08:08 AM IST

Mumbai-Pune Express way traffic block : मुंबई पुणे एक्सप्रेस वे ने प्रवास करणाऱ्यांसाठी महत्वाची बातमी आहे. पुढील ३ दिवस दुपारी १२ ते ३ या कालावधीत हा महामार्ग वाहतुकीसाठी बंद राहणार आहे.

मुंबई-पुणे एक्सप्रेस वे प्रवास करणाऱ्यांसाठी महत्वाची बातमी! पुढील तीन दिवस 'या' वेळेत महामार्ग राहणार बंद
मुंबई-पुणे एक्सप्रेस वे प्रवास करणाऱ्यांसाठी महत्वाची बातमी! पुढील तीन दिवस 'या' वेळेत महामार्ग राहणार बंद

Mumbai-Pune Express way traffic block : मुंबई पुणे एक्सप्रेसवेने प्रवास करणाऱ्यांसाठी महत्वाची बातमी आहे. पुढील तीन दिवस जर या मार्गाने प्रवास करणार असाल तर तुम्हाला थोड्या त्रासाला सामोरे जाण्याची शक्यता आहे. या मार्गावर पुलाचे गर्डर बसवण्यासाठी पुढील ३ दिवस ट्रॅफिक ब्लॉक घोषित करण्यात आला आहे. दुपारी १२ ते ३ या वेळेत हा ट्रॅफिक ब्लॉक घेतला जाणार आहे.

यशवंतराव चव्हाण एक्सप्रेस मार्गावर मुंबई वाहिनीवर कि.मी ५८/५०० (डोंगरगाव/ कुसगांव) येथे महाराष्ट्र राज्य रस्ते विकास महामंडळामार्फत बांधण्यात येणाऱ्या पुलाचे गर्डर्स बसविण्याचे काम सुरू आहे. यामुळे उद्या २३, २३ आणि २४ जानेवारी रोजी तीन दिवस दुपारी १३ ते ३ या वेळेत ट्रॅफिक ब्लॉक घेण्यात येणार आहे. या काळात येथील वाहतूक ही पर्यायी मार्गाने वळवण्यात आली आहे.

अशी असेल वाहतूक व्यवस्था

ब्लॉक काळात मुंबईकडून पुण्याकडे जाणारी पुणे वाहिनीवरील वाहतूक द्रुतगती मार्गाच्या किमी क्रमांक ५४/७०० वळवण ते वरसोली टोल नाका (राष्ट्रीय महामार्ग क्र. ४८) येथून देहूरोड मार्गे पुण्याकडे वळविण्यात येणार आहे. वरील तिन्ही दिवस दुपारी ३ वाजल्यानंतर मुंबईहून पुण्याकडे जाणारी वाहतूक पुन्हा द्रुतगती मार्गाच्या पुणे वाहिनीवरुन सोडण्यात येईल. तसेच या कालावधीत पुण्याहून मुंबईकडे जाणारी वाहतूक यशवंतराव चव्हाण एक्सप्रेस मार्गावरुन सुरू राहणार आहे.

ब्लॉक कालावधी पाहून प्रवास करण्याचे आवाहन

द्रुतगती मार्गावरुन प्रवास करणाऱ्या प्रवाशांनी ब्लॉक कालावधीनुसार आपल्या प्रवासाचे नियोजन करावे. या कालावधीदरम्यान वाहनचालकांना काही अडचण असल्यास मदतीसाठी मुंबई- पुणे द्रुतगती मार्गाच्या नियंत्रण कक्षाचा दूरध्वनी क्र. ९८२२४९८२२४ किंवा महामार्ग पोलीस विभागाच्या ९८३३४९८३३४ या क्रमांकावर संपर्क साधावा, असे आवाहन करण्यात आले आहे.

Whats_app_banner

संबंधित बातम्या

विभाग
महाराष्ट्रातील बातम्या, प्रत्येक घडामोडीची ब्रेकिंग न्यूज मिळवा हिंदुस्तान टाइम्स मराठीवर