मुंबईकरांना दिलासा; बेस्टच्या कंत्राटी कर्मचाऱ्यांचा संप अखेर सात दिवसांनी मागे

‘समान काम, समान वेतन’ द्या, कंत्राटी कर्मचाऱ्यांना बेस्टच्या सेवेत कायमस्वरूपी घ्या आणि पगारवाढ द्या अशा मागण्यांसाठी ‘बेस्ट’ कंत्राटी कामगारांनी गेल्या सात दिवसांपासून आंदोलनाचं हत्यार उपसलं होतं. हळूहळू मोठ्या संख्येनं कामगार या संपात सहभागी झाल्यानं मुंबई शहर व उपनगरातील बस सेवा चांगलीच कोलमडली. त्यामुळं मुंबईकरांचे मोठे हाल झाले.

सायबर क्राइम शाखेचे प्रमुख असलेल्या अतिरिक्त पोलीस आयुक्तांचेच सोशल मीडिया अकाऊंट ‘हॅक’

कामगारांच्या प्रश्नावर तोडगा काढण्यासाठी सरकारी पातळीवर प्रश्न सुरू होते. मात्र, तोडगा निघत नव्हता. जवळपास ८०० बसेस आगारातच अडकून पडल्यानं मुंबईकरांची कोंडी झाली होती. राज्य सरकारनं एसटी महामंडळाच्या बसेस उपलब्ध करून दिल्या होत्या. मात्र, तरीही मुंबईकरांना व्यवस्थित सेवा मिळत नव्हती.

या सगळ्या परिस्थितीवर व कामगारांच्या मागण्यांवर चर्चा करण्यासाठी संघटनांच्या प्रतिनिधींची व मुख्यमंत्री शिंदे यांची सोमवारी रात्री उशिरा बैठक झाली. या बैठकीत कामगारांच्या प्रमुख मागण्या मान्य करण्यात आल्या. त्यानंतर आज सकाळी आझाद मैदानात एकत्र येऊन कंत्राटी कर्मचाऱ्यांनी संप मागे घेण्यात आल्याची घोषणा केली. मुंबईकरांना अधिक त्रास होऊ नये अशी भूमिका दोन्ही बाजूंनी मांडण्यात आल्याचं कर्मचाऱ्यांच्या प्रतिनिधींनी सांगितलं.

Western Railway : चर्नी रोड-चर्चगेट दरम्यान सिंग्नल यंत्रणेत बिघाड पश्चिम रेल्वेची वाहतूक विस्कळीत

कामगारांना काय मिळालं आश्वासन

कंत्राटी कर्मचाऱ्यांचं मूळ वेतन १८ हजार रुपये होणार

वर्षाला मिळणाऱ्या हक्काच्या रजा ( CL / SL / PL ) भरपगारी देण्यात येणार

कायम कामगारांप्रमाणेच कंत्राटी कर्मचाऱ्यांना बस प्रवास मोफत

कामगारांना वार्षिक दिवाळी बोनस दिला जाणार

साप्ताहिक रजा देखील भरून मिळणार

वार्षिक वेतनवाढ देण्याबाबत राज्य सरकार सूचना करणार

संपकाळातील दिवसांचा पगार मिळणार