मुंबईकरांच पण्याचं बजेट वाढणार! नव्या वर्षात पाणीपट्टी 'इतक्या' टक्क्यांनी वाढणार

मुंबई महानगर पालिकेच्या पाणी पुरवठा विभागामार्फत पाणी वाटपाचं नियोजन केलं जात. नागरिकांना नळाद्वारे पाणी पुरवले जाते. या पाणी पुरवठ्यासाठी महानगर पालिकेकडून पाणी पट्टी आकारली जाते. काही ठिकाणी पालिकेने पाण्याचा किती वापर झाला हे तपासण्यासाठी मीटर बसवले आहे. या मीटरनुसार पाणी पट्टी आकारली जाते.

गेल्या दोन वर्षांपासून मुंबईत पाणीपट्टी वाढवण्यात आली नव्हती. त्यामुळे पालिका प्रशासन सध्या मुंबईकरांच्या पाणीपट्टीमध्ये ८ टक्क्यांनी वाढ करण्याचा विचारात आहे. या बाबतचा प्रस्ताव पालिकेच्या जल अभियंता विभागानं सादर केला आहे. या बाबतच निर्णय हे बृन्मुंबई महानगरपालिका आयुक्त भूषण गगराणी घेणार आहे. पाणीपुरवठ्याच्या कामांमध्ये खर्चाचा भार वाढत असल्याने ही पाणी पट्टी वाढ गरजेची असल्याचं मत अधिकाऱ्यांनी व्यक्त केलं आहे.

२०२० मध्ये देखील पालिकेने पाणी पट्टी वाढवण्याचा निर्णय घेतला होता. कोरोनामुळे हा निर्णय रद्द करण्यात आला होता. यानंतर देखील पाणी पट्टी वाढवण्याचा निर्णय हा रद्द करण्यात आला होता. मात्र, पालिकेचा खर्च वाढला असल्याने व पाइपलाइनच्या देखभाल दुरुस्तीचा खर्च देखील मोठा असल्याने या खर्चाचा ताळमेळ बसवण्यासाठी पाणी पट्टीत ८ टक्के वाढ करण्याचा प्रस्ताव सादर करण्यात आला आहे.

भारतीय जनता पक्ष तुपाशी! इलेक्टोरल बॉन्डद्वारे वर्षभरात मिळाला तब्बल २२४४ कोटी रुपयांचा पक्ष निधी; काँग्रेसला किती?

मुंबईला सध्या मोडक सागर, मध्य वैतरणा, अप्पर वैतरणा, भातसा, तानसा, विहार व तुळशी या सात धरणांतून पाणी पुरवले जाते. रोज साधारण ३,९५० दशलक्ष लिटर पाणी पुरवठा शहराला केला जातो. हे पाणी घेतांना जलवाहिन्यांद्वारे आणले जाते. तसेच पाणी पुरवठा, ते शुद्ध करण्यासाठी व अस्थापना खर्च आदि साठी मोठा खर्च पालिकेला करावा लागतो. यामुळे मोठा खर्च वाढत आहे. मात्र,  मुंबई महापालिका निवडणुका पुढील काही महिन्यात होण्याची शक्यता असल्याने  मुंबईवरील पाणी पट्टीत वाढ करण्याचा निर्णय रद्द होण्याची शक्यता देखील वर्तवली जात आहे.  प्रशासनाने दरवाढ करण्याचा प्रयत्न करण्यास, आम्ही विरोध करू, अशी भुमिका विरोधी पक्षांनी घेतली आहे.  

साताऱ्याच्या जवानाचा पुंछमध्ये झालेल्या भीषण दुर्घटनेत मृत्यू; कामेरी गावावर शोककळा